Goa Agriculture: शेतकऱ्यांना स्वयंभू बनविण्यासाठी युवकांनी पुढे यावे- रमेश तवडकर

Goa Agriculture: मतदारसंघातील लोकांनी आणि विशेषतः युवकांनी पुढाकार घ्यावा, असे आवाहन सभापती रमेश तवडकर यांनी केले.
Goa Agriculture | Ramesh Tawadkar
Goa Agriculture | Ramesh TawadkarDainik Gomantak

Goa Agriculture: काणकोण व्हीजन आणि मिशनद्वारे काणकोणसाठी आपण एक सक्षम कृषी संकल्पना तयार करून त्याद्वारे या भागातील प्रत्येक शेतकरी कसे स्वयंभू होऊ शकतील. यासाठी कृषी संचालनालय तसेच या मतदारसंघातील लोकांनी आणि विशेषतः युवकांनी पुढाकार घ्यावा, असे आवाहन सभापती रमेश तवडकर यांनी केले.

शनिवार, 12 रोजी, ‘कृषी तांत्रिक व्यवस्थापन यंत्रणा’ (आत्मा), दक्षिण गोवा, कृषी संचालनालय आणि भारत ॲग्रो सर्व्हिसेस, रिलायन्स पॉलिमर तसेच अल्ट्रा नॉनवोवन यांच्या संयुक्त विद्यमाने आमोणे येथे बलराम निवासी विद्यालयाच्या सभागृहात आयोजित ‘शेतकरी प्रशिक्षण’ कार्यक्रमाला प्रमुख पाहुणे म्हणून ते बोलत होते.

Goa Agriculture | Ramesh Tawadkar
Goa News: काब्रालच्या तक्रारीमागचा शुक्राचार्य कोण? 'खरी कुजबूज'

यावेळी सन्माननीय अतिथी म्हणून पैगिंणच्या सरपंच तथा श्री बलराम निवासी विद्यालयाच्या मुख्याध्यापिका सविता तवडकर, दक्षिण गोवा (आत्मा)चे प्रकल्प संचालक शिवराम गावकर, काणकोणचे कृषी अधिकारी किर्तीराज गावकर, सभापतींचे ओएसडी नागेश कोमरपंत, भारत ॲग्रो सर्व्हिस कोल्हापूरचे तांत्रिक सल्लागार उद्यायन, प्रकाश कुलकर्णी, खोतीगावचे सरपंच आनंदू देसाई उपस्थित होते.

पंचसूत्री कार्यक्रमाद्वारे नारळाची लागवड आपण कशी करू शकतो, याविषयी कृषितज्ज्ञ डॉ. दिलीप नागवेकर यांनी माहिती दिली. तर सत्यजित विजय भोसले यांनी हवामानानुसार फळ व भाजीपाल्याची लागवड कशी करावी, याची जाणीव करून दिली. यावेळी शेतकरी मोठ्या संख्येने उपस्थित होते. सूत्रसंचालन शिवराम गावकर यांनी केले. नागेश कोमरपंत यांनी आभार मानले.

Goa Agriculture | Ramesh Tawadkar
Goa Police: 'सर्वाधिक गुन्हे' तरीही कुमक कमीच; गृह खात्याने लक्ष देण्याची गरज

ऑरमिकेम सेंद्रीय खतामुळे 30 ते 40 टक्के उत्पन्नवाढ !

भारत ॲग्रो सर्व्हिसेस या कंपनीने चाळीस वर्षे प्रयत्न करून ऑरमिकेम या सेंद्रीय खताची निर्मिती केली आहे. या खताचा वापर केल्याने नारळ, केळी आदींबरोबरच कृषी पिकांमध्ये 30 ते 40 टक्के वाढ होत असल्याचे प्रयोगाअंती सिद्ध झाले आहे.

दापोली-रत्नागिरी येथील कोकण कृषी विद्यापीठाच्या संशोधन विभागाने याचा प्रयोग करून हे सिद्ध केले आहे, असे भारत ॲग्रो सर्व्हिसेसच्या अधिकाऱ्यांनी सांगितले. गोव्यात ऑरमिकेम या सेंद्रीय खनिज सूक्ष्म द्रव्य खताचे वितरक बेतोडा-फोंडा येथील अथर्व ॲग्रोवत एजन्सी आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com