Goa Carnival 2023: गोव्यात कार्निव्हल म्हणजे किंग मोमोच्या राजवटीला प्रत्यक्षात शनिवार, 18 तारखेपासून राजधानी पणजीतून प्रारंभ होणार आहे. परंतु यावर्षी पर्वरी येथे आदल्या दिवशी शुक्रवार,17रोजी कार्निव्हलचा कर्टन रेझरचा (पडदा उघडणार) कार्यक्रम होणार आहे.
त्याचे उद्‌घाटन दुपारी 3.30 वाजता केंद्रीय पर्यटन राज्यमंत्री श्रीपाद नाईक यांच्या हस्ते व पर्यटनमंत्री रोहन खंवटे यांच्या उपस्थितीत पार पडेल, अशी माहिती सरपंच स्वप्नील चोडणकर यांनी दिली.
चोडणकर म्हणाले की, पर्वरी कार्निव्हल समितीच्यावतीने हा कर्टन रेझर कार्यक्रम पहिल्यांदाच पर्वरीत आयोजित केला जात आहे. लहान 17 ठिकाणांवर जो कार्निव्हल होणार आहे, त्यात पर्वरीचा समावेश आहे. पणजीतून 18 रोजी किंग मोमोच्या मुख्य मिरवणुकीस प्रारंभ होईल.
चित्ररथ मिरवणूक एज्युकेशनल डिपार्टमेंटपासून बायपास रस्त्यावरून निघेल. दुपारी 3.30 वाजता सुरू होणारी मिरवणूक 6.30 वा.पर्यंत ती चालेल. त्यानंतर कार्यक्रमात निकाल जाहीर होईल. परंतु त्यांना बक्षीस पर्यटन खात्यांच्यावतीने दिली जातील, असे हरमलकर यांनी नमूद केले.
अशी आहेत बक्षिसे
या कार्यक्रमाची माहिती देताना अनुज हरमलकर म्हणाले की, कनिष्ठ गटात पर्वरीचा समावेश झाला आहे. पाच गटांची ही मिरवणूक असेल. त्यात कार्निव्हल मिरवणुकीत पारंपरिक गटात अनुक्रमे 75, 60, 45, 30 आणि 15 हजारांचे बक्षीस असेल.
क्लब आणि संस्थाच्या चित्ररथास अनुक्रमे 60, 50, 30, 20 आणि 12 हजार रुपये असे, फन ॲण्ड जंकमध्ये अनुक्रमे 20, 18,10, 8 आणि 5 हजारांचे बक्षीस असेल, फॅमिली गटात अनुक्रमे 20, 18, 10, 8 आणि 5 हजार रुपये, क्राऊन ॲण्ड जोकर (वैयक्तिक) गटात अनुक्रमे 12, 9, 7, 5 आणि 3 हजार रुपयांचे बक्षीस असेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
