Goa: कोळसा प्रदूषणाच्या पहाणीसाठी केंद्रीय तपास पथक एम पी टीमध्ये दाखल

केंद्रीय प्रदूषण नियंत्रण मंडळाचे तपास अधिकारी मुरगाव पत्तन न्यासच्या धक्का क्रमांक ५,६ वरील असलेल्या कोळशाची प्रदूषणात वाढ झाली की नाही याची पाहणी करण्यासाठी आले आहे.
Goa: कोळसा प्रदूषणाच्या पहाणीसाठी केंद्रीय   तपास पथक एम पी टीमध्ये दाखल
मुरगाव बंदरातील धक्का क्रमांक ५,६ वरील कोळशावर टाकलेले प्लास्टिकचे आच्छादन.Dainik Gomantak

दाबोळी: मुरगाव पत्तन न्यास (MPT) (Morgaon Port Trust) मध्ये कोळसा (carbo) वाढवण्याची शक्यता असून केंद्रीय प्रदूषण नियंत्रण मंडळाचे तपास अधिकारी (Investigating Officer of Central Pollution Control Board) धक्का क्रमांक ५ व ६ वर दाखल झाले आहे. रविवार (दि.२२) पासून कोळसा प्रदूषणाची पाहणी करण्यात येत असल्याने संपूर्ण धक्का क्रमांक ५,६ मधील कोळश्यावर प्लास्टिकचे आच्छादन टाकून बंदरात सांडलेला कोळसा साफ करण्यात अदानी, जिंदाल आस्थापनाचे कामगार व्यस्त असल्याचे दिसून आले आहे.

मुरगाव बंदरातील धक्का क्रमांक ५,६ वरील कोळशावर टाकलेले प्लास्टिकचे आच्छादन.
Goa Container ship service: मुरगाव बंदराचे सर्व शुल्क माफ

केंद्रीय प्रदूषण नियंत्रण मंडळाचे तपास अधिकारी मुरगाव पत्तन न्यासच्या धक्का क्रमांक ५,६ वरील असलेल्या कोळशाची प्रदूषणात वाढ झाली की नाही याची पाहणी करण्यासाठी आले आहे. एमपीटीच्या धक्का क्रमांक ५,६ मधील वाढत्या कोळशामुळे मोठ्या प्रमाणात प्रदूषण होत असल्याची तक्रार गोवा प्रदूषण नियंत्रण मंडळाला बरोबर केंद्रीय प्रदूषण नियंत्रण मंडळाला येथील काही बिगर सरकारी संस्था तसेच काही राष्ट्रीय राजकीय पक्षांनी तक्रार दाखल केल्या होत्या. मुरगाव बंदरातील धक्का क्रमांक ५,६ मध्ये चार मिलियन कोळसा आयात निर्यात करण्याची परवानगी देण्यात आली होती. त्या व्यतिरिक्त कोळसा वाढणार नसल्याची माहिती अदानी, जिंदाल व एमपीटी तर्फे देण्यात आली होती.

मुरगाव बंदरातील धक्का क्रमांक ५,६ वरील कोळशावर टाकलेले प्लास्टिकचे आच्छादन.
Goa: मुरगाव 'एमइएस' ला ५० वर्षे पूर्ण...

केंद्रीय प्रदूषण नियंत्रण मंडळाचे तपास अधिकारी रविवारी मुरगाव बंदरातील धक्का क्रमांक ५,६ वर दाखल होताच जिंदाल, अदानी आस्थापनातर्फे बंदरात आयात निर्यात करण्यासाठी साठवून ठेवलेल्या कोळशावर प्लास्टिक आच्छादन टाकण्यात आले. तसेच बंदरात सांडलेल्या कोळसा यंत्राद्वारे साफ करण्यात आला आहे. मंडळाच्या तपास अधिकाऱ्यांनी दिवसाबरोबर रात्रीचीही कोळशाची तपासणी करण्याचे सत्र सुरूच ठेवले आहे. जर केंद्रीय प्रदूषण नियंत्रण मंडळाने अदानी, जिंदाल आस्थापनांना कोळसा प्रदूषण जास्त होत नसल्याचे प्रमाणपत्र दिल्यास मुरगाव बंदरात आणखीन कोळसा वाढण्याची शक्यता व्यक्त करण्यात येत आहे. तसेच मुरगाव बंदर ते होस्पेट हुबळीपर्यंत रेल्वे दुपदरी करण्यात येत असल्याने कदाचित केंद्रीय प्रदूषण नियंत्रण मंडळाचे अधिकारी कोळसा प्रदूषणा चाचणी करण्यासाठी आले असल्याची शक्यता सध्या व्यक्त करण्यात येत आहे. रेल्वे दुपदरी करणाचे काम सुद्धा दक्षिण गोव्यात युद्धपातळीवर सुरू आहे. रेल्वे दुपदरीकरण पूर्ण झाल्यास, कदाचीत तपास अधिकाऱ्यांच्या सर्वेक्षणामूळे, भविष्यात मुरगाव बंदरात कोळसा वाढण्याची शक्यता आहे. चार मिलियन पेक्षा जास्त कोळसा बंदरात आल्यास येथे प्रदूषणात नक्कीच वाढ होण्याची शक्यता आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com