Ferry Boat: चोडण-रायबंदर फेरीबोट सेवा विस्कळीत; नियमित प्रवाशांचे अतोनात हाल

प्रचंड धुक्यामुळे चोडण-रायबंदर फेरी धक्क्यावरील फेरीबोट बंद पडली, गैरसोयीमुळे प्रवाशांनी संताप व्यक्त केला.
Ferry Boat
Ferry Boat Dainik Gomantak

Ferry Boat: प्रचंड धुक्यामुळे चोडण-रायबंदर फेरी धक्क्यावरील फेरीबोट काल सोमवारी सकाळी चार तास आणि मंगळवारी सकाळी दोन तास बंद पडली. यामुळे चोडण-रायबंदर फेरी मार्गावरून येजा करणाऱ्या नियमित प्रवाशांचे प्रचंड हाल झाले.

काल काही प्रवाशांना आज पणजी गाठण्यासाठी पोंबुर्फा हा लांबचा मार्ग स्वीकारावा लागला. या प्रकारामुळे प्रवाशांनी संताप व्यक्त केला.

एरवी चोडण धक्क्यावर थांबणाऱ्या या मार्गावरील पाचही फेरीबोटी रायबंदर धक्क्यावर नेण्याचे कारण लोकांना समजत नव्हते. काल सकाळी चार तास फेरीसेवा बंद राहिल्याने तसेच खात्याने या संदर्भात कोणती माहिती न दिल्याने प्रवाशांनी संताप व्यक्त केला.

चोडण मार्गावर शिवनेरी व सह्याद्री या दोन चांगल्या फेरीबोटी आहेत. मात्र स्वच्छतागृहाची सोय नसल्याने या फेरीबोटीचे कर्मचारी रात्र उशिरा पणजीकडे नेत असून सकाळी उशिरा ते या मार्गावर फेरीबोटी पाठवत असतात.याचाही परिणाम दिसून आला.

Ferry Boat
Illegal Boating: बेकायदा व्यवसाय करणाऱ्या बोटीला मिळाली जलसमाधी?

सोमवार हा कामकाजाचा दिवस असल्याने सकाळपासून या मार्गावर प्रचंड वाहतूक होती. परंतु सर्वत्र थंडीसह धुके पसरल्याने या मार्गावरील पाचही फेरीबोटी पहाटे साडेपाच वाजल्यापासून रायबंदर धक्क्यावर बांधण्यात आल्या होत्या.

हा मार्ग पणजीला जवळ असल्याने नेहमीच गर्दी होते. त्यामुळे चोडण, डिचोली व सत्तरी तालुक्यातील प्रवाशी या धक्क्यावर अडकून पडले. दुचाकी व चारचाकी वाहनांची प्रचंड गर्दी चोडण फेरी धक्क्यावर दिसत होती.

Ferry Boat
Covid Vaccination: गोव्यात कोविड लसीकरण मोहीम आजपासून सुरू

कर्मचारी आधुनिक तंत्र वापरत नाहीत?

धुक्यामुळे वारंवार व्यत्यय येत असल्याने या धुक्यावर मात करण्यासाठी आधुनिक तंत्रज्ञान खाते का वापरत नाही, असा प्रश्न अनेक प्रवाशांनी खात्याचे अधिकारी विक्रम भोसले यांच्याकडे केला आहे मोबाईलच्या ‘जीपीएस’ तंत्र खात्याचे कर्मचारी व कॅप्टन का वापरत नाहीत, असाही सवाल केला जात आहे.

सकाळी धुके पडल्याने दोन फेरीबोटी चोडण बाजूकडे असल्याने लोकांनी या जीपीएस चा वापर करून दोन्ही फेरीबोट चालवण्यास कर्मचाऱ्यांनी व कॅप्टनला मदत केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com