मोपा येथील मनोहर आंतरराष्ट्रीय विमानतळ 5 जानेवारी पासुन कार्यान्वित होणार आहे. या विमानतळावर पहिल्याच दिवशी ११ विमान उड्डाणे असतील. टॅक्सी आंदोलनाच्या पार्श्वभूमीवर राष्ट्रीय महामार्गापासून मोपा विमानतळ परिसरापर्यंत जमावबंदीचे १४४ कलम लागू केले आहे. गोव्यात येणाऱ्या प्रवाशांना कोणत्याही प्रकारचा अडथळा आणू नये अन्यथा कडक कारवाई केली जाईल असा इशारा मुख्यमंत्री डॉ. प्रमोद सावंत यांनी दिली आहे.
दरम्यान, मोपा विमानतळावर इंडिगो कंपनीचे फ्लाइट क्रमांक 6E 6145 हे हैद्राबाद - गोवा पहिले विमान उतरणार आहे. यासाठी जीएमआर कंपनीच्या वतीने पहिल्या विमानातील प्रवाश्यांच्या स्वागतासाठी मोठी तयारी केली आहे.
पेडणे तालुक्यातील टॅक्सी चालकाने त्यांच्या काळ्या पिवळ्या टॅक्सीसाठीचे स्वतंत्र काउंटर सुरू करावे अशी मागणी करत आंदोलनाचा इशारा दिला आहे. या टॅक्सी चालकांच्या आंदोलनाच्या पार्श्वभूमीवर या परिसरात जमाबंदीचे आदेश देण्यात आले असून कलम १४४ लागू करण्यात आले आहे. त्यामुळे मोपा विमानतळावर उतरणाऱ्या प्रवासी आणि पर्यटकांना कोणत्याही प्रकारच्या अडथळा आणू नयेत अन्यथा त्यांच्यावर कडक कारवाई करण्यात येईल असा सज्जड दम मुख्यमंत्री सावंत यांनी दिला असून पोलिसांना सतर्क राहण्याचे आदेश देण्यात आले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
