Mahadayi Water Dispute: 'म्हादई'वरून प्रमोद सावंत यांनी कर्नाकटच्या मुख्यमंत्र्यांना सुनावले...

कुणी काहीही म्हणो, म्हादईचा लढा आम्हीच जिंकणार असल्याचा सावंत यांचा विश्वास
Mahadayi Water Dispute | Goa CM Dr Pramod Sawant vs Karnataka CM Basavraj Bommai
Mahadayi Water Dispute | Goa CM Dr Pramod Sawant vs Karnataka CM Basavraj Bommai Dainik Gomantak

Mahadayi Water Dispute: गोव्याने कितीही प्रयत्न केले तरी काहीही फरक पडणार नाही, आम्ही म्हादई प्रकल्पाचे काम पुर्ण करणारच असे वक्तव्य करणाऱ्या कर्नाटकच्या मुख्यमंत्र्यांना आता गोव्याच्या मुख्यमंत्र्यांनी प्रत्युत्तर दिले आहे.

कुणी काहीही म्हणो पण म्हादईचा लढा आम्हीच जिंकणार, असा विश्वास मुख्यमंत्री डॉ. प्रमोद सावंत यांनी व्यक्त केला आहे.

Mahadayi Water Dispute | Goa CM Dr Pramod Sawant vs Karnataka CM Basavraj Bommai
Mahadayi Water Dispute: ...तर गोव्यातील 25 हजार कोटींची उलाढाल ठप्प; मंत्री मॉविन गुदिन्हो यांचा इशारा

मुख्यमंत्री डॉ. प्रमोद सावंत म्हणाले की, कुणाला काही म्हणायचे आहे ते म्हणो. आम्ही आमच्या निर्णयावर ठाम आहोत. कायदेशीरदृष्ट्या, तांत्रिकदृष्ट्या आणि राजकीयदृष्ट्या म्हादई बचावासाठी जे काही करण्याची गरज आहे ते आम्ही करत आहोत आणि आम्ही ते यापुढेही करत राहू. म्हादईचा लढा आम्हीच जिंकू.

केंद्रीय जल आयोगाने म्हादई प्रकल्पाबाबत कर्नाटकच्या डीपीआरला मंजुर दिल्यानंतर गोव्यात जनक्षोभ उसळला असून आता 'आमची म्हादय आमका जाय' असा नारा देत जनआंदोलनही सुरू झाले आहे. तथापि, कर्नाटकच्या मंत्र्यांकडून मात्र गोव्याच्या जखमेवर मीठ चोळणारी वक्तव्ये केली जात आहेत.

Mahadayi Water Dispute | Goa CM Dr Pramod Sawant vs Karnataka CM Basavraj Bommai
Goa Fraud Case: उत्तर प्रदेशच्या कंपनीचा गोव्यातील 1000 गुंतवणुकदारांना गंडा; सुमारे 10 कोटी लुबाडले

नुकतेच कर्नाटकचे मुख्यमंत्री बसवराज बोम्मई यांनी म्हटले होते की, केंद्र सरकारकडून डीपीआरला मंजुरी मिळाल्यामुळे आम्ही आता लवकरच म्हादई प्रकल्पाचे काम सुरू करणार आहोत.

याबाबत गोव्याने कितीही प्रयत्न केले तरी आम्हाला काहीही फरक पडणार नाही. लवादाच्या निवाड्याप्रमाणेच आम्ही प्रकल्पांचे काम हाती घेतले आहे, असे बोम्मई म्हणाले होते.

दरम्यान, मंगळवारीच राज्याचे वाहतूक मंत्री मॉविन गुदिन्हो यांनीही कर्नाटक सरकारवर टीका केली होती. भविष्यातील युद्धे ही पाण्यासाठी लढली जातील, आणि म्हादई त्याची सुरवात आहे.

गोव्यातील 61 अन्न प्रक्रिया उद्योगांची वार्षिक उलाढाल सुमारे 25 हजार कोटी रूपये असून जर म्हादई वाहती राहिली नाही तर हे उद्योग आणि पर्यायाने उलाढाल ठप्प होईल. कर्नाटकात सध्या निवडणुकीचे वारे आहे, त्यामुळे म्हादईवरून राजकीय वक्तव्ये केली जात आहेत, असे गुदिन्हो म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com