Goa Bridge: कोलवाळ येथील महामार्गावरील पुलाचे काम 'पूर्ण'

Goa Bridge: महाखाजन बाजूचा एकेरी वाहतुकीचा मार्ग खुला झाल्यावर हा पूल खुला करण्यात येणार आहे.
Goa Bridge | Colvale
Goa Bridge | ColvaleDainik Gomantak

Goa Bridge: चारपदरी महामार्गासाठी कोलवाळ येथील शापोरा नदीवर बांधण्यात येणाऱ्या पुलाचे काम पूर्ण झाले असून त्यावर हॉटमिक्स डांबरीकरणही करण्यात आले आहे. महाखाजन बाजूचा एकेरी वाहतुकीचा मार्ग खुला झाल्यावर हा पूल खुला करण्यात येणार आहे.

सध्या असलेल्या कोलवाळ पुलाजवळ या नवीन समांतर पुलाचे काम गेले दीड वर्ष सुरू होते. राष्ट्रीय महामार्गाचे चारपदरी मार्गात रूपांतर करण्याचे काम सुरू झाल्यानंतर कोलवाळ पुलाच्या दुसऱ्या बाजूने समांतर पुलाची आवश्यकता निर्माण झाली होती. त्यानुसार दीड वर्षांपासून सुरवात झाली होती.

Goa Bridge | Colvale
Goa Art: 'या' कलेत सोनाली परवार हिची भरारी

तसेच, या पुलाच्या बांधकामासाठी नदीत जवळच्या पुलाप्रमाणेच दोन खांब आहेत, तर दोन खांब जमिनीवर आहेत. पुलाची लांबी 252 मीटर, रुंदी 12.5 मीटर आहे. पुलाचे खांब हे कॉंक्रीटचे असून त्यावर लोखंडी तुळ्यांचा वापर केला आहे.

एक महिना आधीच पूल तयार

महाखाजन - धारगळ येथे महामार्गाचे काम पूर्ण झाल्यावर कोलवाळ नदीवरील एक पूल वाहनांना जाण्यासाठी व एक पूल येण्यासाठी वापरण्यात येणार आहे. या पुलाचे बांधकाम नोव्हेंबर महिन्यापर्यंत पूर्ण करण्याची मुदत होती. त्यापूर्वी एक महिना अगोदरच या पुलाचे काम पूर्ण करण्यात आले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com