Goa : तार नदीवरील पुलाचे बांधकाम रोखले

आश्‍वासन न पाळता कंत्राटदाराची बांधकामाची घाई : नगराध्‍यक्षांसह स्‍थानिकही एकवटले
Goa : तार नदीवरील पुलाचे बांधकाम रोखले
Mapusa : National Highways contractor to construct the bridge without removing soil and stones along with waste construction materials from the Tar river.Dainik Gomantak

म्हापसा : राष्ट्रीय महामार्गाचे (National Highway) बांधकाम करत असताना तार नदीवर पूल (River Bridge) बांधण्याच्या (construction) कामाला कंत्राटदाराने (contractor) सुरू केले. पण, तार नदीतील बांधकामाचे अनावश्‍‍यक साहित्य, (waste building materials) पाईप, लोखंडाच्या सळ्या व इतर साहित्य तार नदीतून न काढता पुलाचे थेट बांधकाम सुरू केले. त्‍यामुळे गावसवाडा येथील ग्रामस्‍थांसह नगराध्यक्ष शुभांगी वायंगणकर व नगरसेवक प्रकाश भिवशेट यांनी हे काम दुसऱ्यांदा बंद पाडले. सर्वप्रथम नदीतील टाकावू साहित्‍य काढा, त्‍यानंतरच बांधकाम सुरू करा, अशी आग्रही भूमिका पालिका व ग्रामस्‍थांनी घेतली.

Mapusa : National Highways contractor to construct the bridge without removing soil and stones along with waste construction materials from the Tar river.
Nelson Mandela Nobel Peace Award: सिद्धेश नाईक यांना नेल्सन मंडेला शांतता पुरस्कार व मानद डॉक्टरेट प्रदान

तार नदीवरील पुलाच्या बांधकामाची चाहूल लागताच स्थानिकांनी या कामाकडे लक्ष केंद्रीत केले. नगरसेवक तारक आरोलकर यांनी नदीतील बांधकाम टाकावू साहित्य, माती व इतर टाकावू साहित्य काढण्याचा आग्रह धरला व काम बंद पाडले होते. काम बंद पाडल्यानंतर कंत्राटदार राव यांनी मुख्यमंत्री डॉ. सावंत, आमदार ग्लेन टिकलो व आमदार ज्यो‍शुआ डिसोझा यांची भेट घेऊन काम चालू करण्यासाठी आशीर्वाद मागितले. २४ तासांच्या आत या दोन आमदारांनी हस्तक्षेप करून त्‍या नगरसेवकांना काम बंद करण्यास हरकत घेऊ नका, कंत्राटदाराला काम बंद राहिल्यास दररोज लाखो रुपयांचे नुकसान होईल. कंत्राटदार तार नदीतील टाकावू साहित्य काढून देईल, असे आश्‍वासन आमदारांनी दिल्यामुळे नगरसेवकांची तलवार म्‍यान केली होती.

Mapusa : National Highways contractor to construct the bridge without removing soil and stones along with waste construction materials from the Tar river.
Book Publication: गुरुवंदना, गुरुंचा महिमा सांगणाऱ्या पुस्तिकेचा मांद्रेत २३ रोजी प्रकाशन सोहळा

कंत्राटदाराकडून दिशाभूल?
आमदार ग्‍लेन टिकलो यांनी बस्तोडा पंचायतीमध्ये राष्ट्रीय महामार्गाचे कंत्राटदार राव यांचे अभियंते व बस्तोडा सरपंच रणजीत उजगावकर व पालिका नगरसेवक प्रकाश भिवशेट यांची संयुक्त बैठक घेतली. या बैठकीत नगरसेवक प्रकाश भिवशेट यांनी तार नदीतील टाकावू साहित्य तसेच पूर्वीच्या पाईप पुलासाठी घातलेले काँक्रिट व लोखंडी सळ्यांचा पाया तोडून, तसेच नदी किमान दीड मीटर खोदून देण्याची मागणी केली होती. त्यानंतर कंत्राटदाराने लेखी आश्‍वासन देऊन २० दिवसांत काम करून देण्याची हमी या बैठकीत दिल्यामुळे काम सुरू करण्यास परवानगी दिली. पण, कंत्राटदाराने राजकीय आशीर्वादाने या लेखी आश्‍वासनाला कचऱ्याची टोपली दाखवली व पुलाचे काम पुन्हा युद्धपातळीवर चालू ठेवले. त्‍यामुळे नगराध्यक्ष शुभांगी वायंगणकर व नगरसेवक प्रकाश भिवशेट यांनी काल संध्याकाळी सार्वजनिक बांधकाम खात्याच्या अधिकाऱ्यांना व कंत्राटदाराचा अभियंता श्री. काली यांना बोलावून या प्रकारासंदर्भात जाब विचारला होता. कंत्राटदाराच्या अभियंता विभागाने सांगितले, मुसळधार पावसामुळे आम्ही पुलाच्या एका बाजूने असलेला टाकावू साहित्‍य काढता आले नाही. आम्हाला पुलावरील स्लॅब घालण्यात द्यावा. पावसाने विश्रांती घेतल्यानंतर नदीतील टाकावू साहित्य काढण्यात येईल, असे सांगितले. पण, नगराध्यक्षांसह नगरसेवकांनी सर्वप्रथम नदीतील टाकावू साहित्य काढा, असा आग्रह धरला व शेवटी कंत्राटदाराचा अभियंता श्री. काली यांनी काम बंद ठेवण्याचा शब्द दिला.

Mapusa : National Highways contractor to construct the bridge without removing soil and stones along with waste construction materials from the Tar river.
Goa: डिचोलीत कोरोना प्रतिबंधक नियम पाळून "बकरी-ईद"चा उत्साह

तार नदीतील टाकावू साहित्य काढल्यानंतर आम्ही पुलावरील स्लॅब घालण्यास परवानगी देणार आहोत. पुलाच्या एका बाजूला असलेला टाकावू साहित्य मशीनद्वारे काढले आहे. पण, दुसऱ्या बाजूला असलेले बांधकाम टाकावू साहित्य काढले नाही. मुसळधार पावसामुळे नदीला भरती आहे. त्यामुळे मशीनद्वारे टाकावू साहित्य काढता येत नाही. आम्ही पाऊस कमी झाल्यानंतर कामगारांकडून बांधकाम साहित्य काढण्याचे आश्‍वासन कंत्राटदाराने दिले आहे. जोपर्यंत नदीतील टाकावू साहित्य काढत नाही, तोपर्यंत पुलावर स्लॅब घालण्यास आम्ही देणार नाही.
- शुभांगी वायंगाणकर, नगराध्यक्ष

Mapusa : National Highways contractor to construct the bridge without removing soil and stones along with waste construction materials from the Tar river.
Goa: शिक्षकांना सक्षमपणे कार्यरत ठेवण्यासाठी भाजपचा स्वतंत्र विभाग

Related Stories

No stories found.