Goa Corona Update: गोव्यात पुन्हा कोरोना संसर्गजन्य आजार हातपाय पसरत आहे. वाढत्या रूग्णांच्या पार्श्वभूमीवर राज्यातील आरोग्य यंत्रणा सतर्क झाली आहे. रविवारी राज्यात नव्याने वाढ झालेले कोरोना बाधित रूग्ण 79 इतके आहेत. राज्याच्या आरोग्य विभागाच्या वतीने सायंकाळी राज्यातील कोरोना आकडेवारीचा अहवाल प्रसिद्ध केला.
अहवालानुसार, राज्यात रविवारी 636 नमुने तापासण्यात आले, त्यापैकी 79 सकारात्मक आले आहेत. तर, दिवसभरात 7 कोरोनामुक्तांना डिस्चार्ज देण्यात आला आहे. दिलासादायक बाब म्हणजे आज नव्याने कोणताही कोरोना रूग्ण दगावलेला नाही.
राज्याचा रिकव्हरी रेट सध्या 98.22 टक्के एवढा आहे. सध्याच्या घडीला राज्यात 629 सक्रिय कोरोना रूग्णांवर उपचार सुरू आहेत. राज्यात आत्तापर्यंत 4014 मृत्यू झाले आहेत. राज्यात आत्तापर्यंत 21 लाख 73 हजार 935 चाचण्या झाल्या असून त्यातून 2 लाख 61 हजार 574 कोरोनारूग्ण आढळून आले होते. त्यापैकी 2 लाख 56 हजार 931 रूग्ण कोरोनामुक्त झाले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
