पणजी: राज्यात गेले काही दिवस दररोज 200 पेक्षा जास्त नवे कोरोना रूग्ण सापडत आहेत. त्यामुळे राज्यासाठी ही चिंतेची बाब ठरत आहे. राज्यात आज 3 एप्रिल रोजी 219 नवे कोरोना रूग्ण सापडल्यामुळे राज्यात कोरोनावर उपचार घेणाऱ्या रुग्णांची संख्या 1980 वर पोचली आहे. दिवसेंदिवस वाढणारे नवे कोरोना रुग्ण पाहता उद्या ही संख्या दोन हजाराच्या पार होईल.
आरोग्य खात्याने आज दिलेल्या माहितीनुसार आज दिवसभरात दोन कोरोना बाधितांचे निधन झाले. त्यातील एक 60 वर्षीय इसम हे कोल्हापूरचे असून त्यांना 28 मार्च रोजी गोवा वैद्यकीय महाविद्यालयात दाखल करण्यात आले होते. तर दुसरे 85 वर्षीय इसम हे फोंडा येथील आहेत. त्यांना 31 मार्च रोजी गोवा वैद्यकीय महाविद्यालयात दाखल करण्यात आले होते.
आज दिवसभरात 2062 जणांचे नमुने तपासण्यात आले. त्यात 219 नवे कोरोनाग्रस्त सापडले. तर आज दिवसभरात 151 कोरोना बाधित व्यक्ती बरे झाले. आज कोरोनामुळे दोघांचे निधन झाल्यामुळे कोरोनामुळे राज्यात निधन पावलेल्या व्यक्तींची संख्या 834 वर पोचली आहे. राज्यात कोरोनातून बरे होण्याची टक्केवारी 95.21 इतकी आहे. राज्यात कोरोनावर उपचार घेणाऱ्यांची संख्या 1980 एवढी असल्याचे आरोग्य खात्याने कळवले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.