गोव्यात 'कोविडची' तिसरी लाट.. तज्ज्ञांचा इशारा!

Goa Covid Update: राज्यात करोना प्रकरणे मागील दोन महिन्यापेक्षा दुप्पट वेगाने होत असल्याचे निदर्शनास आणून राज्याचे महामारी तज्ज्ञ डॉ उत्कर्ष बेटोडकर यांनी शनिवारी सांगितले; तसेच गोवा महामारीच्या तिसऱ्या लाटेकडे वाटचाल करत आहे. “COVID-19 ची प्रकरणे निश्चितपणे वाढू लागली आहेत आणि वक्रातील ही प्रारंभिक वाढ आपल्याला तिसऱ्या लाटेकडे घेऊन जाईल. राज्यात जास्तीत जास्त प्रकरणे कधी वाढतील मिळतील हे आम्हाला माहित नाही, परंतु ते निश्चितपणे फार दूर नाही. आपण 100 टक्के तिसऱ्या लाटेकडे वाटचाल करत आहोत” अशी माहिती डॉ बेटोडकर (state epidemiologist Dr Utkarsh Betodkar) यांनी पत्रकारांशी बोलताना दिली.

कॉर्डेलिया (cordelia crusise) क्रुज मधून आलेले अनेक प्रवासी करोना बाधित

नुकत्याच मिळालेल्या माहितीनुसार गोव्यात कोरोना बाधितांच्या रुग्णसंख्येत वाढ होताना दिसत आहे. त्यातच मुंबईतून गोव्यात कॉर्डेलिया बोटीतून आलेल्या 2000 प्रवाशांपैकी अनेकजण कोरोनाबाधित असल्याची माहिती समोर येत आहेत. बोटीतील प्रवाशांची चाचणी करून मगच त्यांना गोव्यात सोडण्याचे आदेश गोवा सरकारने (Goa Government) बोट व्यवस्थापनाला दिले आहेत. यामुळे अजूनही गोमंतकीयांवर कोरोनाची टांगती तलवार कायम आहे. याबाबत पुढील काय अधिकृत माहिती सामोर येते, याकडे आता सगळ्यांचे लक्ष लागले आहे.

गोव्यातर्फे जिनॉम सिक्वेन्सिंग मशीन देण्याची मागणी

आज केंद्रीय आरोग्यमंत्री डॉ. मनसुख मांडविया (Dr. Mansukh Mandaviya) यांनी सर्व राज्यांची आढावा बैठक घेतली. कोविड-19 प्रतिबंधात्मक उपाययोजना, प्रतिसाद आणि लसीकरण (Vaccination) योजनेचे पुनरावलोकन करण्यासाठी ह्या बैठकीचे आयोजन करण्यात आले होते. आभासी पद्धतीने (Virtual Meeting) ही बैठक पार पडली. गोव्याचे आरोग्यमंत्री डॉ. विश्वजित राणेही ह्या बैठकीला उपस्थित होते. यामध्ये ओमिक्रॉन (Omicron) संदर्भात नियमावली जारी करण्याची तसेच कोविड-19 चाचणीसाठी (Corona Test) जिनॉम सिक्वेन्सिंग मशीन देण्याची मागणी गोव्यातर्फे करण्यात आली आहे.