Covid-19 प्रिकॉशनरी डोस घेतला का? गोव्यात 11 ठिकाणी सोय, जाणून घ्या तुमच्या येथे कोठे मिळेल मोफत लस

राज्यातील विविध आरोग्य केंद्रावर पात्र नागरिकांना सुरक्षात्मक लसीचा मोफत डोस दिला जाणार आहे.
Covid-19 vaccination
Covid-19 vaccinationDainik Gomantak

Covishield Vaccination Campaign: चीनसह विविध देशात पुन्हा कोरोनाचा प्रसार वाढत आहे. या पार्श्वभूमीवर भारतात देखील खबरदारी घेतली जात आहे. केंद्र सरकारने सर्व राज्य सरकारांना सतर्कतेचा इशारा दिला आहे.

तसेच, कोरोना प्रतिबंधात्मक लसीचे दोन्ही डोस आणि सुरक्षात्मक डोस (प्रिकॉशनरी डोस) देखील घेण्याचे आवाहन केले आहे.

गोवा सरकारने (Goa Govt) खबरदारीचा उपाय म्हणून कोव्हिशिल्ड लसीकरण मोहिम (Covishield Vaccination Campaign) हाती घेतली आहे.

उद्यापासून म्हणजेच 18 जानेवारी, 2023 या माहिमेला सुरूवात होणार आहे. याअंतर्गत राज्यातील विविध आरोग्य केंद्रावर पात्र नागरिकांना सुरक्षात्मक लसीचा मोफत डोस दिला जाणार आहे.

Covid-19 vaccination
Subhash Shirodkar: 'सहकार क्षेत्राचा फायदा सर्वसामान्यांना व्हावा'

कोणकोणत्या आरोग्य केंद्रावर मिळणार लस

सार्वजनिक आरोग्य केंद्र काणकोण, प्राथमिक आरोग्य केंद्र साखळी, CHC पेडणे, PHC केपे, PHC फोंडा, PHC चिंबल, UHC मडगाव, UHC वास्को, UHC पणजी, UHC म्हापसा आणि GMC बांबोळी

कोणाला मिळणार लस

वयाची अठरा वर्षे पूर्ण झालेल्या तसेच, कोरोना प्रतिबंधात्मक लसीचा पहिला, दुसरा किंवा सुरक्षात्मक डोस घेतल्यांना लसीचा डोस दिला जाईल. डोस घेतल्यानंतर सहा पूर्ण झालेल्यांना लस दिली जाईल. दोन्ही डोस घेतलेल्यांना सुरक्षात्मक डोस दिला जाईल.

Covid-19 vaccination
Goa Cashew Feni : विमानतळांवर मिळणार ड्युटी-फ्री 'गोव्याची फेणी'; प्रस्ताव सरकारच्या विचाराधीन

केव्हा मिळणार लस

लस देण्यासाठी आठवड्यातील दोन दिवस निश्चित करण्यात आले आहेत. बुधवारी आणि शनिवारी (सकाळी 09 ते सायंकाळी 04) यावेळेत नागरिकांना लस दिली जाईल.

लस घेण्यासाठी कोणत्याही प्राथमिक नोंदणीची गरज नसून, स्पॉट नोंदणी केली जाणार आहे. पण, लसीकरणासाठी येत असताना दुसऱ्या लसीचे प्रमाणपत्र सोबत घेऊन यावे लागेल. तसेच, मोबाईल नंबर आणि ओळखपत्र देखील सोबत घेऊन येणे बंधनकारक आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com