Goa Crime : कळंगुटमध्ये ऑनलाईन जुगार अड्ड्यावर छापा; पाचजण अटकेत

कळंगुट येथे क्राईम ब्रँचने काल मंगळवारी मध्यरात्री फ्लॅटमध्ये सुरु असलेल्या ऑनलाईन गेमिंगवर छापा टाकला.
Goa Crime
Goa CrimeDainik Gomantak

Goa Crime : गोवा पोलिसांनी गेल्या काही दिवसात राज्यात सुरु असलेल्या अवैध कारवायांवर आळा घालण्यासाठी कंबर कसली आहे. कळंगुट येथे क्राईम ब्रँचने काल मंगळवारी मध्यरात्री फ्लॅटमध्ये सुरु असलेल्या ऑनलाईन जुगार अड्ड्यावर छापा टाकला. या प्रकरणात पोलिसांनी पाच जणांना अटक केली आणि त्यांच्याकडून इलेक्ट्रॉनिक साहित्य तसेच रोख रक्कम जप्त केली आहे.

गोवा पोलिसांच्या गुन्हे शाखेने पोलीस निरीक्षक दिनेश गडेकर यांच्या नेतृत्त्वाखाली कळंगुट परिसरात छापेमारी केली. यात कळंगुटमधील एनेट बीच अपार्टमेंटमधील एका बंद खोलीत ऑनलाईन जुगार अड्डा सुरु होता. पोलिसांनी याप्रकरणी अमन अगरवाल, राकेश कुमार, सागर भागवानी, विशाल कुमार आणि करन पखानी अशा पाच आरोपींना अटक केली आहे. हे सर्व आरोपी मूळचे छत्तीसगडचे असल्याची माहिती आहे.

Goa Crime
Goa Drugs : गोवा पोलीस अॅक्शन मोडमध्ये; दोन ड्रग्ज तस्करांच्या मुसक्या आवळल्या

पोलिसांनी जेव्हा छापा टाकला तेव्हा हे सर्व आरोपी ऑनलाईन जुगारात गुंतलेले होते. पोलिसांनी बेसावध असलेल्या आरोपींना रंगेहाथ पकडत त्यांच्याकडून लॅपटॉप, मोबाईल फोन, इंटरनेट कनेक्शनसाठी वापरलं जाणारं राऊटर, तसंच 3200 रुपयांची रोख रक्कम असा एकूण 1 लाख 20 हजारांचा मुद्देमाल हस्तगत केला आहे. याप्रकरणी पोलिसांनी पंचनामा केला असून आरोपींची कसून चौकशी केली जात आहे.

दरम्यान सोनाली फोगट हत्या प्रकरणानंतर गोवा पोलीस अॅक्शन मोडमध्ये आले आहेत. गोवा पोलिसांच्या गुन्हे शाखेने दोन ड्रग्ज तस्करांच्या मुसक्या आवळल्या आहे. सोमवारी मध्यरात्री सिद्धेश हलगेकर आणि विनायक जुवारकर या दोघांना अटक करून त्यांच्याकडून 1 किलो 100 ग्राम गांजा जप्त करण्यात आला आहे.

पोलिसांनी दिलेल्या माहितीनुसार मडगावमध्ये ईएसआयएस हॉस्पिटलजवळील रस्त्यावर सापळा रचण्यात आला होता. यात प्लास्टिकच्या पिशवीतून फळांच्या खाली लपवलेला गांजा घेऊन जात असताना क्राईम ब्रांचच्या अधिकाऱ्यांनी दोन आरोपींना रंगेहाथ अटक केली. आरोपींकडून 1 किलो 100 ग्रॅम वजनाचा मुद्देमालही हस्तगत करण्यात आला आहे. आरोपींमध्ये यात सिद्धेश हलगेकर (रा. शिरवई केपे) या 23 वर्षीय तरुणासह विनायक जुवारकर या मडगाव कोंब येथे राहणाऱ्या 24 वर्षीय तरुणाचा समावेश आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com