शिवोली : हुडोवाडा-शापोरा येथील एका स्थानिकाच्या घरात पेईंग गेस्ट म्हणून राहणाऱ्या स्टेफानो मायटीनो (65) या इटालियन पर्यटकाचा मृतदेह रविवारी सकाळी संशयास्पद स्थितीत पोलिसांना आढळून आला.
सविस्तर वृत्तानुसार, मृत स्टेफानो मायटीनो गेले कित्येक दिवस शापोरात वास्तव्य करून राहात होता. रविवारी सकाळी त्याच्या खोलीचा दरवाजा उघडत नसल्याने तसेच आतमधून कुणीच आवाज देत नसल्याने घाबरलेल्या घरमालकाने स्थानिक पोलिसांना याबाबतीत माहिती दिली व रितसर तक्रार दाखल केली.
घटनेची माहिती मिळताच हणजुणे पोलीस स्थानकाच्या उप-निरीक्षक स्वाती सावळ यांनी तात्काळ घटनास्थळी धाव घेत म्हापसा अग्निशमन दलाच्या मदतीने खोलीचा दरवाजा तोडून आत प्रवेश केला व बेडरुममध्ये मृतातावस्थेत पडलेल्या स्टेफानोचा मृततदेह ताब्यात घेतला.
हणजुण पोलिसांनी मृतदेहाचा पंचनामा करून उत्तरीय तपासणीसाठी बांबोळीच्या गोमेकॉत पाठवून दिला आहे. दरम्यान, स्टेफानोच्या मृत्यूची माहिती इटालीयन दुतावासाला देण्यात आल्याची माहिती उप-निरीक्षक स्वाती मळीक यांनी दिली. पुढील तपास जारी आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
