Goa Crime : राज्यात सिलिंडरमधून गॅस चोरणारे सक्रिय

Goa Crime : वेर्णा येथेही सापडले कमी वजनाचे सिलिंडर
Gas cylinder
Gas cylinderDainik Gomantak

मडगाव : राज्यात घरगुती सिलिंडरमधील गॅस काढून तो व्यावसायिक सिलिंडरमध्ये भरून त्याची विक्री होत असल्याचे प्रकार सर्रासपणे सुरू आहेत. वजन व मापे खात्याच्या अधिकाऱ्यांनी वेर्णा येथे एका निर्जन जागेत ठेवलेली सिलिंडर पुरविणारी गाडी आज पकडली. त्यावेळी तिथे कमी वजनाचे 15 सिलिंडर सापडले.

Gas cylinder
Fake Cashew in Goa : भेसळयुक्त काजू विक्रेत्यांवर ‘एफडीए’कडून धडक मोहीम

वजन व मापे खात्याच्या पथकाला वेर्णा येथे टोयोटा शोरुमजवळ एक गॅस सिलिंडरची गाडी दिसली. अधिकाऱ्यांनी या वाहनाचा पाठलाग केला असता ती एका आडवाटेने जाऊन थांबली. निर्जन परिसरात असलेल्या एका इमारतीसमोर पार्क करून चालकाने तेथून पळ काढला. परिसराची पाहणी केल्यावर अधिकाऱ्यांना तिथे झाडीत अनेक व्यावसायिक वापराचे लपवलेले रिकामे सिलिंडर लपवून आढळले.

तसेच सिलिंडरची अनेक सिल्स सापडली. सिलिंडरमधील गॅस काढून तो दुसऱ्या सिलिंडरमध्ये भरण्यासाठीच ती तिथे आणली असावी, असा संशय आहे. ज्या इमारतीसमोर ही गाडी उभी केली होती, तिथे एका गॅस एजन्सीशी संबंधित व्यक्ती भाड्याने राहात आहे, अशी माहिती असून यासंदर्भात चौकशी सुरू आहे. जप्त केलेले सिलिंडर हे आगशी येथील कनिष्क एजन्सीचे असल्याचे सांगण्यात येते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com