Goa Crime: तरुणीच्या गुढ मृत्यूचा गुंता वाढला

कुटु़बियांचे पोलिस तपासावर प्रश्नचिन्ह (Goa Crime)
Goa Crime: तरुणीच्या गुढ मृत्यूचा गुंता वाढला
Goa CrimeDainik Gomantak

कळंगुटच्या किनाऱ्यावर गुरुवारी पहाटे अर्धनग्न मृतावस्थेत (Half-naked Death) आढळून आलेल्या नाश्नोळा हळदोणा (Nasnoda - Aldona) येथील तरुणीच्या मृत्यूस चार दिवस उलटले तरी स्थानिक पोलिसांकडून याबाबतीत कासवाच्या गतीने तपास चालू असल्याबद्दल (Slow Investigation) कुटुंबियांकडून नाराजी व्यक्त करण्यात येत आहे. दरम्यान, म्हापसा पोलिसांनी (Mapusa Police) याबाबतीत तरुणीच्या जवळच्या  कुटुंबीयांची भेट घेत तपासाला गती देण्याच्या उद्देशाने त्यांच्याकडून आवश्यक ती माहिती गोळा करून घेतल्याचे समजते. दरम्यान, कळंगुटचे पोलिस निरीक्षक नोलास्को रापोझ नेहमीप्रमाणेच तरुणीच्या मृत्यु प्रकरणात प्रसार माध्यमांना योग्य माहिती पुरवत नसल्याचा आरोप याभागातील जागतिक किर्तीचे व्यवसायिक तथा सामाजिक कार्यकर्ते रिकार्डो डिसौझा यांनी केला असून जनक्षोभाचा उद्रेक होण्याची पोलिसांनी वाट न पाहाता प्रकरणाचा छडा लावण्याचे आवाहन केले आहे. (Goa Crime)

Goa Crime
19 वर्षीय तरूणीच्या मृत्यू प्रकरणातील गुढ उकलेना

दरम्यान, बुधवारी सकाळी गिरी येथील बस थांब्यावर उतरताच पणजीच्या दिशेने जाणारी प्रवासी बसगाडी थांब्यावर पोहोचल्याने तरुणी त्या बसमध्ये चढल्याचे ग्रुहीत धरून आपण मोटरसायकल म्हापशाच्या दिशेने वळविल्याचे तरुणीच्या वडीलंनी सांगितले. मात्र, सकाळी अकरा वाजेपर्यंत ती पर्वरीतीला कामाच्या ठिकाणी न दिसल्याने त्याच ठिकाणी काम करणार्या तरुणीच्या सख्ख्या मावस बहिणीचा घरी फोन आल्याने घरातील मंडळी चक्रावून गेल्याचे जवळच्या नातलगाने सांगितले. दरम्यान, तरुणीचे वडील यांनी वायंगणवाड्यात वर्षभरापुर्वीच नव्यानेच बांधकाम केलेल्या स्वताच्या एक मजली घरात सध्या हिंदी भाषीक तरुण भाडोत्री म्हणून राहातात पोलिसांकडून अशावेळी सगळ्यांचीच सखोल चौकशी होणे आवश्यक आहे.

Goa Crime
Goa: पेडणे पोलिसांनी चोराला केरळ मधून पकडले

दरम्यान, पोलिसांनी या प्रकरणाचा तपास करताना तिसऱ्या कोनातून आवश्यक माहिती गोळा करण्याची तसदी घ्यावी. मृत तरुणी खेळकर स्वभावाची असल्याने सहज दुसर्यांत मिसळून जाण्याकडे तिचा कल होता त्यामुळे कुणातरी ओळखीच्या माणसांकडूनच तिचा घात झाल्याचा दाट संशय तिच्या मावशीने दै. गोमंतकशी बोलतांना सांगितले. किनाऱ्यावर आढळलेला अर्धनग्नावस्थेतील तरुणीचा मृतदेह बुडुन मरण पावल्याची विशेष चिन्हे दाखवत नव्हता. उघडे डोळे आणि सडपातळ बांध्याची तरुणी किनाऱ्यावर तासाभरापुर्वीच झोपल्यागत वाटत होती तसेच तिच्या तोंडात किनाऱ्यावरची माती गेल्याची चिन्हे दिसत नव्हती.

Goa Crime
Goa: फात्राडे - वार्का येथे पोलिसांच्या देखत आठ ठिकाणी धिरियो

दरम्यान, बेपत्ता तरुणी बाबतीत पोलिस तक्रार करण्यासाठी म्हापसा पोलिसांत गेलेल्या तरुणीच्या वडिलांना तेथील कर्मचार्यांनी कुठल्याही प्रकारची सहानुभूती न दाखवता चोवीस तास थांबण्याचे सांगितले. तथापि बुधवारी दुपारपर्यंत तपासाला गती मिळाली असती तर कदाचित तरुणीचे प्राण वाचले असते त्यामुळे सध्याच्या पोलिस तपासावर आपला विश्वास नसल्याचेही सौ. मोरजकर यांनी यावेळी सांगितले. दरम्यान, या गुढ म्रुत्युचा छडा लावण्याचे कडवे आव्हान सध्या गोवा पोलिसांसमोर असून दोषी व्यक्ती जो पर्यंत जगसमोर येणार नाही तोपर्यंत गप्प न बसण्याचा धाडसी निर्णय तरुणीच्या कुटुंबीयांनी घेतला आहे

Related Stories

No stories found.