Goa Crime: गोव्यात रिअल इस्टेट प्रकल्पासाठी '1.68' कोटीचा गंड्डा

Goa Crime: गोवा पोलिसांच्या आर्थिक गुन्हे कक्षाने 5 जणांविरोधात गुन्हा दाखल केला आहे.
Goa Crime | Fraud
Goa Crime | FraudDainik Gomantak

Goa Fraud: एका रिअल इस्टेट प्रकल्पासाठी 160 कोटी रुपये निधी मिळवून देण्याच्या विविध प्रक्रियेसाठी 1.68 कोटी रुपये घेऊन फसवणूक केल्याप्रकरणी गोवा पोलिसांच्या आर्थिक गुन्हे कक्षाने (ईओसी) 5 जणांविरोधात गुन्हा दाखल केला आहे. हे संशयित सध्या फरारअसून त्यांचा शोध घेण्यात येत असल्याची माहिती कक्षाचे पोलिस निरीक्षक रझाशद ए. शेख यांनी दिली.

पोलिसांनी दिलेल्या माहितीनुसार तक्रारदार शेख मुख्तार यांना गोव्यात रिअल इस्टेट व्यवसाय सुरू करण्यासाठी आर्थिक मदत हवी होती. त्यासाठी त्यांनी संशयितांशी संपर्क साधला. त्यांना गरज असलेली सुमारे 160 कोटी रुपये निधी देण्याचे आश्‍वासन दिले. मात्र, काही खर्च येईल, असे सांगितले होते.

Goa Crime | Fraud
Goa High Court: न्यायालयाकडून कोलवातील बेकायदेशीर बांधकामांचे मॅपिंगनुसार 'सर्व्हे'
  • संशयितांनी कट रचून शाम तालरेजा हा बँकेत अधिकारी असून इतर संशयित दलाल असल्याचे तक्रारदारला सांगितले. निधी मिळवण्यासाठी इन्शुरन्स प्रिमियमपोटी 23 सप्टेंबरला 46.54 लाख रुपये घेतले.

  • तसेच रजिस्ट्रेशन शुल्क म्हणून 61.68 लाख रुपये जमा करण्यास सांगितले. ही रक्कम तक्रारदाराने मुलीच्या बँक (Bank) खात्यातून जमा केली.

  • त्यानंतर 160 कोटींचा निधी मंजूर झाला असून इतर बँकेतील प्रक्रियेसाठी आणखी 60 लाख रुपये व कोरे 24 धनादेश घेतले. प्रोसेसिंग शुल्क तसेच करार शुल्क असे मिळून आणखी 45 हजार रुपये घेतले.

Goa Crime | Fraud
Goa News: पोर्तुगीजांनी नष्ट केलेल्या धार्मिक स्थळांची यादी गोवा सरकारकडे उपलब्धच नाही...

यांच्याविरोधात गुन्हा दाखल: वेर्णा येथील मुख्तार इन्फ्रास्ट्रक्चर (इंडिया) प्रा. लि. कंपनीचे व्यवस्थापकीय संचालक शेख मुख्तार यांनी दिलेल्या तक्रारीनुसार, पोलिसांनी श्‍‍याम अर्जनदास तालरेजा (37), कृष्णन कुमार सिंग ऊर्फ महारा (43), दीपक ठाकूर ऊर्फ दिपक सौदा, हितेश पुरसाननी व रॉकी फर्नांडिस यांच्याविरुद्ध गुन्हा दाखल केला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com