Shigmo Parade : कुडचडेत आता 13 मार्च रोजी शिगमोत्सव मिरवणूक

Shigmo Parade in Goa : कुडचडे येथे शिगमोत्सव मिरवणुकीच्या तारखेत घोळ झाला होता त्यावर तोडगा निघाला असून आता कुडचडे येथे दिं. 13 रोजी शिगमोत्सव मिरवणूक होणार असल्याचे नगराध्यक्षा जसमीन ब्रागांझा यांनी सांगितले. पूर्वी या मिरवणुकीसाठी 16 मार्च ही तारीख ठरली होती. आणि केपेची मिरवणूकही त्याच दिवशी होणार होती.

मंगळवार दिं.7 रोजी शिगमो समितीचे अध्यक्ष आमदार नीलेश काब्राल यांनी सर्व पदाधिकाऱ्यांची बैठक घेऊन शिगमोत्सव मिरवणुकीची तारीख लवकरच जाहीर करणार असल्याचे सांगितले होते.

दरवर्षी शिग्मोत्सवानिमित चार दिवस कार्यक्रम आयोजित केले जात होते पण मध्येच कोविड महामारी आल्याने यावर बंदी आली होती व आता परिस्थिती काही प्रमाणात पूर्वपदावर येत असल्याने सदर कार्यक्रम कमी करण्यात आले असून दिं.13 रोजी शिगमोत्सव मिरवणूक व दिं.14 रोजी रात्री ऑर्केस्ट्रा सादर होणार असल्याचे सांगण्यात आले आहे.

कुडचडे शिगमोत्सवाच्या अयोजना निमित्त विविध समित्या स्थापन केल्या असून सदर कार्यक्रम यशस्वी करण्यासाठी लोकांनी मोठ्या संख्येने या कार्यक्रमाला उपस्थित राहावे असे आयोजन समितीतर्फे कळविण्यात आले आहे.