Shree Shantadurga Kunkalikarin : श्री शांतादुर्गा कुंकळ्ळीकरीणचा जत्रोत्सव उत्साहात; मिरवणुकीने झाली सांगता

महारथ मिरवणुकीला यंदा जणू भक्तांचा महापूरच लोटला होता.
Shree Shantadurga Kunkalikarin | Shri Shantadurga Kunkalikarin Fatorpa Panjim | Shree Shantadurga Kunkalikarin Jatra
Shree Shantadurga Kunkalikarin | Shri Shantadurga Kunkalikarin Fatorpa Panjim | Shree Shantadurga Kunkalikarin JatraDainik Gomantak

कुंकळ्ळी: फातर्फा येथील श्री शांतादुर्गा कुंकळ्ळीकरीण जत्रोत्सवाची 1 रोजी पहाटे महारथ मिरवणुकीने सांगता झाली. 31 डिसेंबरला रात्री धार्मिक विधी आरत्या व प्रसाद झाल्यावर रविवारी पहाटे साडे सहा वाजता देवीला खास सजविलेल्या महारथात बसविण्यात आले. धार्मिक विधी झाल्यावर देवीची महारथातून मिरवणूक काढण्यात आली. यावेळी महाजन, कुळावी व देवीच्या हजारो भक्तांनी आनंद लुटला. (Shree Shantadurga Kunkalikarin)

Shree Shantadurga Kunkalikarin | Shri Shantadurga Kunkalikarin Fatorpa Panjim | Shree Shantadurga Kunkalikarin Jatra
Mahadayi Water Dispute : म्हादईप्रश्‍नी गोव्यातील सर्वपक्षीय नेते एकवटले

महारथ मिरवणुकीला यंदा जणू भक्तांचा महापूरच लोटला होता. भक्तांनी हरहर महादेवाच्या गजरात व देवीचा जयजयकार करीत देवीचा रथ ओढला. मंदिराच्या मुख्यद्वारापासून मिरवणुकीला सुरुवात झाली. हजारो भक्तांच्या उपस्थितीत महारथात विराजमान झालेल्या देवीची मिरवणूक आकार उदेगीच्या मंदिराला वळसा घालून मुख्य मंदिराची प्रदक्षिणा घातली. त्यानंतर प्रवेशद्वाराकडे विसर्जित करण्यात आली. मिरवणुकीच्या वेळी भक्तांनी रथावर केळी, लाडू व धनाचा वर्षाव केला.

मुख्यमंत्री डॉ. प्रमोद सावंत, समाज कल्याण मंत्री सुभाष फळदेसाई, कदंब महामंडळाचे अध्यक्ष उल्हास तुयेकर यांनी आपल्या परिवारासह देवीचे दर्शन घेतले. संस्थान समितीचे अध्यक्ष कवेंद्र देसाई, समितीचे सदस्य सुभाष देसाई, विराज देसाई व दर्शन देसाई यांनी जत्रोत्सव यशस्वी करण्यासाठी विशेष परिश्रम घेतले गोवा पोलिस, वाहतूक पोलिस, अग्निशमन दल, सार्वजनिक बांधकाम खाते, वीज खाते, स्थानिक पंचायत व केपे महसूल खात्याचे जत्रोत्सव यशस्वी करण्यासाठी सहयोग लाभले. मंगळवार 2 ते 6 जानेवारीपर्यत देवीला अर्पण केलेल्या मौल्यवान वस्तूचा लिलाव पुकारण्यात येणार आहे.

सोमवारी जागराने सांगता

सहा दिवस चाललेल्या जत्रोत्सवात देवीची पंचमीला पालखीतून, षष्टीला अंबारी रथातून, सप्तमीला फुलांच्या रथातून, अष्टमीला विजय रथातून तर दशमीला महारथातून मिरवणूक काढण्यात आली. सोमवारी जागराने जत्रोत्सवाची सांगता झाली. जत्रोत्सवाच्या निमित्ताने हजारो भक्तांनी या निमित्त देवीचे दर्शन घेतले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com