फोंडा : गोवा डेअरी निवडणुकीत अध्यक्ष राजेश फळदेसाई यांच्या पॅनलमधील 9 जण विजयी झाले आहेत. बारा संचालकांत राजेश फळदेसाई व विठोबा देसाई गट या गटाचे 9 सदस्यांची निवड झाली आहे.
गोवा डेअरीच्या संचालक मंडळाच्या रविवारी झालेल्या चुरशीच्या निवडणुकीत 167 पैकी 166 जणांनी मतदान केले. एकजण आजारी असल्याने मतदान करू शकला नाही. अन्यथा शंभर टक्के मतदान झाले असते.
गोवा डेअरीच्या बारा संचालकांच्या निवडीसाठी एकूण 38 उमेदवारांसाठी हे मतदान झाले. तीन पॅनल या निवडणुकीत उतरले होते. त्यात माधव सहकारी व श्रीकांत नाईक यांचा प्रत्येकी एक, तर राजेश फळदेसाई व विठोबा देसाई यांचा संयुक्त एक पॅनल मिळून तीन पॅनल रिंगणात होते. गोवा डेअरीची गेल्या 2017 मध्ये झालेल्या संचालक मंडळाच्या निवडणुकीनंतर आता पाच वर्षांनी ही निवडणूक झाली असून या निवडणुकीत अत्यंत चुरस निर्माण झाली होती.
गोवा डेअरीचा मागचा कार्यकाळ हा प्रशासकाच्या नियुक्तीवर चालला. त्यामुळे यावेळेला गोवा डेअरीवर आपले प्रतिनिधित्व असावे, या उद्देशाने 43 जणांनी उमेदवारी दाखल केली होती. पण पाच जणांचे उमेदवारी अर्ज फेटाळल्याने शेवटी अडतीस उमेदवार निवडणुकीत शिल्लक राहिले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
