सोमवारपासून गोवा डेअरीचे दूध महागणार

टोन्ड दूध दरात प्रती लिटर 4 रुपये तर फूल क्रीम दूध दरात 5 रुपये प्रती लिटर वाढ केली आहे.
सोमवारपासून गोवा डेअरीचे दूध महागणार
Goa Dairy milk became expensiveDainik Gomantak

फोंडा: इंधन दरवाढ आणि महागाईने सामान्य त्रस्त असताना रोजच्या आहारातील गोवा डेअरीचे दूधही सोमवारपासून महागणार आहे. गोवा डेअरीने स्टँडर्डाईज्ड गाय व टोन्ड दूध दरात प्रती लिटर 4 रुपये तर फूल क्रीम दूध दरात 5 रुपये प्रती लिटर वाढ केली आहे. 2 मे पासून हा वाढीव दर आकारण्यात येईल. उत्पादन शुल्कात वाढ झाल्यामुळे सध्या गोवा डेअरीला नुकसान सोसावे लागते. त्यामुळे गेल्या महिन्यातच गोवा डेअरीच्या दूध दरात वाढ करण्याचा ठराव प्रशासकीय समितीने घेतला होता. यासंबंधीचा प्रस्ताव सहकार निबंधकांकडे पाठवण्यात आला होता. सरकारकडे हा प्रस्ताव देण्यात आल्यानंतर त्याला मंजुरी देण्यात आली. गेल्याच आठवड्यात सहकारमंत्री सुभाष शिरोडकर यांनी गोवा डेअरीच्या दूध दरात वाढ होणार असल्याचे सांगितले होते. मात्र, ही दरवाढ कधी होईल, ते स्पष्ट केले नव्हते.

Goa Dairy milk became expensive
रस्ते दुरुस्तीच्या फाईल्स वित्त खात्यात अडकतात: नीलेश काब्राल

गेल्या 1 जानेवारी 2020 मध्ये गोवा डेअरीच्या दूध दरात वाढ करण्यात आली होती, ती आता तब्बल दोन वर्षांनी होत आहे. मध्यंतरीच्या काळात कोविड महामारीमुळे सर्वच व्यवहार ठप्प झाले होते, पण दुधाची विक्री मोठ्या प्रमाणात झाली. परंतू दूध संकलन जास्त होत नसल्याने तसेच बाहेरील दुधाचा रतिबही कमी झाल्याने गोवा डेअरीला नुकसान सोसावे लागत होते. सध्याचा दर दूध उत्पादकांना परवडत नसल्याने दूध उत्पादकांनाही दरवाढ करण्यात आली होती. पण ग्राहकांना भूर्दंड पाडण्यात आला नव्हता, तो आता येत्या सोमवारपासून पडणार आहे.

अशी असेल दरवाढ

शक्ती स्टँडर्डाईज्ड अर्धा लिटर दर 25 रुपयांवरून 27 रुपये.

गाईचे दूध अर्धा लिटर दर 23 रुपयांवरून 25 रुपये.

टोन्ड कोल्ड गोल्ड दूध अर्धा लिटर दर 22 रुपयांवरून 24 रुपये.

फूल क्रीम दूध एक लिटर दर 57 रुपयांवरून आता 62 रुपये.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.