पणजी : गुजरात मिल्क फेडरेशनने अमूल दुधाच्या दरात वाढ केल्यानंतर आता गोवा डेअरीनेही दूधदरात मोठी वाढ करण्याच्या तयारीत आहे. यामुळे गोमंतकीयांच्या खिशाला मात्र कात्री लागणार आहे. अमूलने मंगळवारी आपल्या दूधदरात प्रतिलीटर दोन रुपयांनी वाढ केली आहे. (Goa Dairy News Updates)
गोवा (Goa) डेअरीच्या त्रिसदस्यीय समितीचे अध्यक्ष आगोस्टिनो मिस्किटा यांनी दूधदराच्या वाढीचे संकेत दिले आहेत. येत्या 10 किंवा 11 मार्चरोजी बैठक घेऊन त्यात दूध दरवाढीचा निर्णय घेण्यात येईल असं मिस्किटा यांनी स्पष्ट केलं आहे. गोवा डेअरीच्या दूधाच्या दरवाढीचा प्रस्ताव आला असून दरवाढ करायची की नाही यावर आठवड्याभरात होणाऱ्या बैठकीत निर्णय होण्याची शक्यता आहे. मात्र असं असलं तरीही दूध (Milk) दरवाढीची टांगती तलवार गोमंतकीयांच्या डोक्यावर राहणारच आहे.
गोवा डेअरीकडून (Goa Dairy) सध्या फुल क्रीम म्हशीचं दूध, शक्ती दूध, गायीचं दूध, आणि टोन्ड दूध अशा चार प्रकारात दुधाची विक्री केली जाते. सध्या फुल क्रीम दुधासाठी 55 रुपये प्रतिलिटर, शक्ती दुधासाठी 50 रुपये, गायीच्या दुधासाठी 46 रुपये आणि टोन्ड दुधासाठी 44 रुपये प्रतिलीटर मोजावे लागतात. गोवा डेअरीकडून दरदिवशी अंदाजे 55 हजार लीटर दुधाची विक्री स्थानिक बाजारात केली जाते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
