Goa Dairy milk: आजपासून नवे दर; गोवा डेअरीचे दूध चार रुपयांनी महागले

गोवा डेअरीचे दूध खरेदी करावे लागणार असून लिटरमागे चार रुपयांची वाढ केली आहे.
Goa Dairy milk
Goa Dairy milkDainik Gomantak

Goa Dairy milk: गोवा डेअरीच्या दूध दरात अचानक मोठी वाढ केल्याने ग्राहकांमध्ये खळबळ उडाली आहे. आधीच महागाईने पोळलेल्या ग्राहकांना आता वाढीव दराने गोवा डेअरीचे दूध खरेदी करावे लागणार असून लिटरमागे चार रुपयांची वाढ केली आहे.

शनिवार, 21 जानेवारीपासून नवी दरवाढ लागू होणार आहे. विशेष म्हणजे, गेल्या आठ महिन्यांत गोवा डेअरीने ही दुसऱ्यांदा दरवाढ केली आहे.

Goa Dairy milk
Mumbai Goa Flight: मुंबईतून गोव्यात येणारे विमान 7 तास लेट; अद्याप उड्डाण नाही, प्रवाशांचा संताप

राज्यातील ग्राहकांचा विश्‍वास संपादन केलेल्या गोवा डेअरीने दूध दरात वाढ केल्यामुळे सर्वसामान्यांचे टॉनिक असलेले दूध महागड्या दराने खरेदी करावे लागणार आहे. त्यामुळे आधीच महागाईने होरपळलेल्या ग्राहकांच्या ग्राहकाच्या खिशाला कात्री लागणार आहे.

यापूर्वी एक मे2022 रोजी गोवा डेअरीने दूध दरवाढ केली होती. आता आठ महिन्यांच्या काळात पुन्हा एकदा दरवाढ केली असून सरासरी किमान सहा ते आठ रुपये विविध प्रकारच्या दूध पाकिटांवर वाढवल्याचे स्पष्ट झाले आहे.

गुपचूप दरवाढीचे गौडबंगाल काय?

गोवा डेअरीच्या दूध दरात गुपचूप दरवाढ केली असल्याचे स्पष्ट झाले आहे. यापूर्वी दरवाढ करण्यापूर्वी अगोदर तसे जाहीर केले जायचे. पण आज झालेली दरवाढ ही गुपचूप असून काही दूध वितरकांना वाढीव दूध दराचे पत्रक वितरित केले तर अन्य काही दूध वितरक या दरवाढीबद्दल अनभिज्ञ असल्याचे दिसून आले.

हायफॅट दूध दर पाच रुपयांनी वाढला

विशेष म्हणजे, गोवा डेअरीचे स्टॅण्डर्डाईज्ड दुधाच्या अर्ध्या लिटरच्या पाकिटाला 27 रुपये द्यावे लागायचे. तेथे आता 29 रुपये द्यावे लागणार आहेत, तर हायफॅट एक लिटरच्या दुधाला कालपर्यंत 62 रुपये द्यावे लागायचे.

तेथे आता 67 रुपये मोजावे लागणार आहेत. त्यामुळे विविध तऱ्हेच्या दुधावर साधारण चार ते पाच रुपये प्रतिलिटर दरवाढ झाली आहे.

Goa Dairy milk
Goa Petrol-Diesel Price : गोव्यातील पेट्रोल आणि डिझेलच्या दरात किरकोळ घट, जाणून घ्या आजचे दर

गोवा डेअरीचा कोसळता डोलारा...

गोवा डेअरीचा कोसळता डोलारा सावरण्यासाठी ही दरवाढ केल्याचे सांगितले जाते. सद्यस्थितीत गोवा डेअरीकडून 57 हजार लिटर दुधाची विक्री होते. त्यापैकी दहा हजार लिटर दूध राज्याबाहेरून आणावे लागते.

गोवा डेअरीतील अवास्तव नोकर भरती, तसेच इतर कथित घोटाळ्यांमुळे मागच्या आमसभा गाजल्या होत्या. त्यातच आता दरवाढ केल्यामुळे दूध उत्पादकांना त्याचा काही फायदा होणार का, असा सवाल करण्यात येत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com