Goa: धोकादायक असूनही पदपूलावरून वाहतूक

बागवाडा-मोर्ले (Morle, Goa) येथील वाळवंटी नदीवरील पूलालाही (Bridge) धोका निर्माण झाला आहे.
Goa: धोकादायक असूनही पदपूलावरून वाहतूक
Goa: Bridge Getting Danger in Morle.Dainik Gomantak

पर्ये : पुराच्या तडाख्यात पैकुळ-सत्तरीतील पूल कोसळले. त्याचप्रमाणे बागवाडा-मोर्ले (Morle, Goa) येथील वाळवंटी नदीवरील पूलालाही धोका (Dangerous Bridge) निर्माण झाला आहे. हा पदपूल कमकुवत झाल्याने कधीही कोसळण्याची शक्यता आहे. हा पूल कमकुवत असून, त्यावरून वाहतूक न करण्याबाबत सार्वजनिक बांधकाम खात्याने बजावले आहे. मात्र, बागवाडा- पेळावदा येथील नागरिकांना अन्य पर्याय नसल्याने या मार्गावरून दुचाकी वाहतूक सुरू आहे. तेव्हा तो धोकादायक बनला आहे. मोर्ले-सत्तरीतील गिमईवाडा येथून बागवाड्याला जोडणारा हा पदपूल वाळवंटी नदीवर आहे. सुमारे ५० वर्षांपूर्वी याचे बांधकाम झाले होते. हा जुनाट पूल पूर्णपणे कमकुवत बनला आहे. पुलाखालील भागाचा सिमेंटचा गिलावा उखडला आहे, तर काही ठिकाणी लोखंडी सळ्या दिसत आहेत. त्यामुळे तो पूर्णपणे कमकुवत बनला असून, पाण्याच्या मोठ्या प्रवाहात तो कोसळण्याची शक्यता वर्तवली जात आहे. त्यामुळे सरकारने याला पर्याय म्हणून नवीन पूल उभारावा, अशी मागणी केली जात आहे.

Goa: Bridge Getting Danger in Morle.
Goa: म्‍हापशात सात दुकाने जमीनदोस्‍त

बागवाडा-पेळावदावासीयांना नदीपलीकडे म्हणजे मोर्ले-साखळीच्या मुख्य रस्त्यावर येण्यासाठी या पुलाची उभारणी केली होती. त्यावेळी पादचारी या पुलाचा वापर करीत असत. पण, कालांतराने या पुलावरून दुचाकी वाहनांची ये-जा होऊ लागली. आता तर येथून धनगरवाडा, पेळावदा, बागवाडा येथील दुचाकी वाहनांची संख्या वाढली आहे. पूल या भागातील लोकांसाठी महत्त्‍वाचा दुवा बनला आहे. पण तो वाहून गेला, तर इथल्या लोकांसाठी मोठी समस्या निर्माण होणार आहे. दोन वर्षांपूर्वी वाळपईतील सार्वजनिक बांधकाम खात्याने या पुलाचे परीक्षण करून हा पूल धोकादायक असल्याचा अहवाल दिला होता. तसेच यावरून वाहतूक करू नका, असेही बजावले होते. येथील लोकांना आणखी पर्याय उपलब्ध नसल्याने येथून प्रवास सुरू आहे. दरम्यान सा.बां. खात्याने येथे वाकलेल्या खांबांच्या कमानीला लोखंडी चॅनल्स बसवले होते. बागवाडा पूल कमकुवत असल्याने याला नवीन पर्यायी पूल उभारण्याची मागणी गेल्या अनेक वर्षांपासून होत आहे. तसेच येथे नवीन पुलासाठी इथल्या लोकांनी आंदोलनही केले होते. त्यांची मागणी पूर्ण न केल्याने सरकार नवीन पूल उभारण्‍यासाठी हा जुना पूल पडण्याची वाट पाहत आहे काय?, असा प्रश्न ग्रामस्थ विचारत आहेत.

Goa: Bridge Getting Danger in Morle.
Goa: फोंडा विद्युत खात्याची अभूतपूर्व कामगिरी

Related Stories

No stories found.
Dainik Gomantak
www.dainikgomantak.com