Goa Crime Case on Rise : गोव्यात गुन्हेगारीचे प्रमाण वाढले, सव्वातीन वर्षात आढळले 1298 मृृतदेह

गुन्हेगारीचेही प्रमाण वाढले : 550 जणांची ओळख न पटल्याने बेवारस नोंदवून केले अंत्यविधी
Goa Crime Cases
Goa Crime CasesDainik Gomantak

Goa Crime Case on Rise : गत सव्वातीन वर्षांत राज्यभरात 1 हजार 298 मृतदेह सापडले. त्यापैकी 550 मृतदेहांची ओळख न पटल्याने त्यांना बेवारस घोषित करून अंत्यविधी करण्यात आला. अनोळखी मृतदेहांत बहुतांश वेळा अपघात, नैसर्गिक, आत्महत्या, इतर कारणांचा समावेश असतो. दरम्यान, याच कालावधीत राज्यातील ९४ अल्पवयीन मुलींचे अपहरण झाल्याची नोंद आहे.

विधानसभेत देण्यात आलेल्या माहितीन्वये 2020 मध्ये 354 मृतदेह सापडले होते2022 मध्ये हा आकडा आणखी वाढून तो 437 वर गेला होता. तर यावर्षी मार्च मध्यान्हपर्यंत 83 वर गेली आहे. ज्या मृतदेहांची ओळख पटवणे पोलिसांना तपासकामाद्वारे शक्य झाले नाही, ते बेवारस ठरवण्यात येत आहेत.

अनेकदा हे अनोळखी असलेले मृतदेह हे परप्रांतिय मजुरांचे असतात. त्यामुळे त्यांची तक्रारही कोणी देत नाही. अशा बेवारस, अनोळखी मृतदेहाची माहिती सर्व पोलिस स्थानकांना बिनतारी संदेशद्वारे पाठवली जाते. ६ महिने त्याची माहिती पुढे न आल्यास त्या मृतदेहाची विल्हेवाट लावण्यास प्रक्रिया सुरू होते.

Goa Crime Cases
'मुख्यमंत्र्यांचा भाऊ, PA सांगणाऱ्या व्यक्तीला बळी पडू नका', मुख्यमंत्री प्रमोद सावंत

ओळख न पटलेले मृतदेह

साल संख्या

2020 354

2021 424

2022 437

2023 83

अल्पवयीन बलात्कार प्रकरणे

34 2021

48 2022

13 2023

Goa Crime Cases
Meet Pokemon Go Grandpa: गेम खेळण्यासाठी तरुणाची भन्नाट शक्कल, सायकलवर सेट केले 64 मोबाईल

94 मुलींचे अपहरण

राज्यात 2021 पासून ते मार्च 23 मध्यान्हपर्यंत अल्पवयीन मुलींच्या अपहरणाची 94 प्रकरणे नोंद झाली आहेत. 2021 मध्ये 34 तर 2022 मध्ये 48 प्रकरणांचा समावेश आहे. यावर्षी आतापर्यंत 12 प्रकरणी गुन्हा दाखल झाला आहे. या प्रकरणांमध्ये काहीवेळा मुली स्वतःहून संशयितासोबत गेलेल्या असतात. मात्र, त्या अल्पवयीन असल्याने तांत्रिकदृष्ट्या तो गुन्हा ठरतो.

Goa Crime Cases
Goa Traffic Case : गत अडीच महिन्यांत एक लाख बेशिस्त चालकांविरुद्ध कारवाई

देहविक्रीचे 25 गुन्हे

2021 पासून ते आतापर्यंत देहविक्रीची 25 प्रकरणी पोलिसात गुन्हा दाखल झाला आहे. याच कालावधीत 160 बलात्कार व 75 खुनांची नोंद झाली आहे. गेल्या वर्षभरात देहविक्रीप्रकरणी क्वचितच गुन्हा दाखल झाला आहे. सर्वोच्च न्यायालयाने या प्रकरणात संगनमत असल्यास तो गुन्हा ठरू शकत नाही, असे स्पष्ट केल्याने पोलिसांनी या प्रकरणाकडे पाठ केली आहे.

उपाययोजना

  • गुन्हे कमी करण्यासाठी व रोखण्यासाठी पोलिस गस्त तसेच अचानक रात्रीच्यावेळी नाकाबंदी केली जाते. संशयास्पद व्यक्ती आढळून आल्यास त्याची चौकशी करण्यात येते.

  • रात्री उशिरा फिरणाऱ्या लोकांची, वाहन चालकांची तपासणी केली जाते. बीट पोलिसांच्या मदतीने भाडेकरून म्हणून राहत असलेल्यांची तपासणी करण्यात येत आहे.

  • काही गुन्ह्यांत शिक्षा भोगून बाहेर आलेल्या, गुन्हेगारी पार्श्वभूमी असलेल्या संशयितांना स्थानकावर बोलावून त्यांना तंबी दिली जाते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com