गोव्यात रिव्होल्युशनरी गोवन्स संघटनेतर्फे निर्जंतुकीकरण करण्यास सुरुवात

खांडोळा: रिव्होल्युशनरी गोवन्स संघटनेतर्फे माशेल पंचक्रोशीत कोविडबाधितांच्या घरात, सार्वजनिक ठिकाणी निर्जंतुकीकरण करण्यास सुरूवात केली आहे. भोम, तिवरे, कुंभारजुवे, खांडोळा, गणेश नगर, सावईवेरे अशा ठिकाणी आवश्‍यकतेनुसार निर्जंतुकीकरण फवारणी केली. (In Goa, disinfection was started by the Revolutionary Govans Association)

गोव्यातील तरुण व महिला वर्गाच्या पुढाकाराने सर्वसामान्य जनतेचे जीवन पूर्ववत

रिव्होल्युशनरी गोवन्स संघटनचे कार्यकर्ते विश्‍वेश नाईक, तेजस देऊसकर, सचिन देऊसकर, सुरज फडते, मिलिंद फडते, विनय गावडे यांनी या निर्जंतुकीकरण मोहिमेत सहभाग घेतला. कोविड प्रतिबंधासाठी जे जे शक्य आहे, ते ते आम्ही करणार आहोत. गोवा कोविडमुक्त झाला पाहिजे. येथील ग्रामस्थांचे जगणे सुसह्य झाले पाहिजे, यासाठी सदैव कार्यरत आहोत, असे यावेळी या कार्यकर्त्यांनी सांगितले.

गोव्यात सलग सहा दिवस पाणीपुरवठा बंद

ते पुढे म्हणाले, कोविड विरोधात लढण्यासाठी प्रत्येकाने एसओपीचे पालन करावे. नेहमी मास्क वापरावा, सॅनिटाझेशनचा वापर करावा, अनावश्यक फिरू नये. सुरक्षित अंतर ठेवून व्यवहार करावे. बाजारात गर्दी करू नये. शक्य होईल, तेवढी काळजी प्रत्येकाने घेतलीच पाहिजे. एकमेकांना सहकार्य करून आपण कोविडमुक्त गोवा निश्चितपणे करू शकतो. त्यासाठी ग्रामस्थांच्या सहकार्यांचीही गरज आहे.