पणजी(Panajim): ताळगाव (Taleigao) येथील तांबडी माती परिसरात पावसाळ्यामध्ये (Rainy season) पावसाचा जोर वाढला (Flood) की सर्वात अगोदर त्या परिसरातील लोकांच्या घरात पाणी घुसते व लोकांचे प्रचंड हाल होतात. तिथे राहणाऱ्या लोकांना आपले घर सोडून जाण्याशिवाय पर्याय उरत नाही त्याशिवाय त्यांच्या मालमत्तेची फार प्रमाणात नुकसान होते. या समस्येविषयी ताळगाव पंचायतीला वर्षानुवर्षे माहिती देऊन सुद्धा त्यावर ठोस उपाय होत असल्याचे तेथील स्थानिक नागरिकांचे म्हणणे आहे.
या परिसरात राहणाऱ्या लोकांचे प्रचंड हाल तर होतातच शिवाय दरवर्षी आर्थिक नुकसान हे ठरलेले आहे. याचे मुख्य कारण म्हणजे ताळगाव सांतीनेज यांना जोडणारा नाला. हा नाला अरुंद व उथळ असल्याने या नाल्यात पावसाने जोर धरला की लगेच पाणी ओसंडून वाहू लागते त्यामुळे आजूबाजूचा परिसर जलमय होऊन जातो. व रोगराई पसरते.
गेल्या आठ ते दहा वर्षांमध्ये सदर नाल्यातील पाणी लोकांच्या घरात शिरू लागले आहे. ह्या अगोदर नाल्याच्या बाजूला शेतीचा मळा होता. कालांतराने नवनव्या इमारती बांधल्यामुळे परिसरामध्ये पाणी अडकून राहते, परिणामी पाणी घरात घुसून नुकसान होते. त्यामुळे पंचायतीने या समस्येवर लक्ष देऊन ठोस उपाययोजना बनवावी असे नागरिकांचे म्हणणे आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
