Goa Election: फुटबॉलपटू आल्वितो डिकुन्हा यांच्या हातात काँग्रेसचा झेंडा

आल्वितो डिकुन्हा (Alvito D'Cunha) यांनी ईस्ट बंगाल संघाकडून अनेक वर्ष फुटबॉल खेळला आहे (Goa Election)
Goa Election: फुटबॉलपटू आल्वितो डिकुन्हा यांच्या हातात काँग्रेसचा झेंडा
Goa Election: Football Player Alvito D'Cunha in CongressDainik Gomantak

विधानसभेच्या तोंडावरच (Goa Assembly Election) ख्यातनाम फुटबॉलपटू (Football Player) आल्वितो डिकुन्हा यांनी आज कॉंग्रेसमध्ये प्रवेश केला आहे . आल्वितो डिकुन्हा (Alvito D'Cunha) यांनी ईस्ट बंगाल संघाकडून अनेक वर्ष फुटबॉल खेळला आहे . तर काहि दिवस ते भारतीय फुटबॉल संघाचेही सदस्य होते.(Goa Election: Football Player Alvito D'Cunha in Congress)

कॉंग्रेसचे प्रदेशाध्यक्ष गिरीश चोडणकर, कार्याध्यक्ष आलेक्स‌ सिक्वेरा, विरोधी पक्षनेते दिगंबर कामत,आदींच्या उपस्थितीत त्यांनी कॉंग्रेसमध्ये प्रवेश केला आहे

त्यांच्या प्रवेशामुळे युवा वर्गात चैतन्याचे वातावरण निर्माण होणार असून‌ आणखीनही क्रीडापटू कॉंग्रेसमध्ये येतील अशी अपेक्षा यावेळी विविध कॉंग्रेसच्या नेत्यांनी व्यक्त केली आहे.

Goa Election: Football Player Alvito D'Cunha in Congress
Goa Politics: सावंत सरकारला ‘आप’च्या घोषणांची धास्ती

कुडचडेतील माजी नगराध्यक्ष बाळकृष्ण होडारकर यांनी आल्‍वितो डिकुन्हा यांना काँग्रेसमध्ये आणण्यासाठी महत्त्‍वाची भूमिका बजावली. त्यांनी त्यांना काँग्रेसमध्ये प्रवेश करा, असा आग्रह धरला. आजोबा, वडील काँग्रेसमध्ये असल्याने फक्‍त घरातच नव्हे, रक्तातच काँग्रेसचा विचार आहे, असे सांगणाऱ्या आल्‍वितो यांना होकार देणे फारसे कठीण गेले नाही. त्यामुळे होडारकर यांचा काँग्रेसमधील भाव आणखीन वधारला आहे.

दरम्यान मी उमेदवारीच्या आशेने काँग्रेसमध्ये आलेलो नाही. निवडणूक लढवण्याचा विचारसुद्धा केलेला नाही. आमचा गोवा वाचवण्यासाठी काँग्रेस सत्तेवर येणे आवश्यक आहे. त्‍यामुळे भाजपच्या पराभवासाठी वावरण्याचे मी ठरवले आहे. पश्चिम बंगालमधील निवडणुकीवेळी भाजपनेही मला ऑफर दिली होती, ती मी नाकारली होती. असे स्पष्टीकरण आल्‍वितो डिकुन्हा याने दिले आहे.

Related Stories

No stories found.
Dainik Gomantak
www.dainikgomantak.com