Goa Election: 31 जानेवारीपर्यंत रोड शो, रॅलीला परवानगी नाही

निवडणूक आयोगाची नवीन नियमावाली जाहीर
Goa Election 2022
Goa Election 2022Dainik Gomantak

पणजी: भारतीय निवडणूक आयोगाने (ECI) जारी केलेल्या नवीन नियमावलीच्या आधारावर
गोव्याचे जिल्हा दंडाधिकारी (DMs) आणि जिल्हा निवडणूक अधिकारी (DEOs) यांनी आगामी विधानसभा निवडणुकीच्या (Assembly Election) पार्श्वभूमीवर नवीन नियम आणि निर्बंध लागू केले आहेत. (Election Commission New Rules for Election Campaign in Goa)

Goa Election 2022
Goa Election: निवडणूक आयोगाची अंतिम मतदार यादी तयार

गोवा निवडणूक (Goa Election) अधिकाऱ्यांनी दिलेल्या माहितीनुसार, राज्यात रॅली आणि रोड शोवरील बंदी 31 जानेवारी 2022 पर्यंत वाढवण्यात आली आहे.

नवीन नियम

1. 31 जानेवारी 2022 पर्यंत कोणत्याही रोड शो, पदयात्रा/सायकल/बाईक/वाहन रॅली आणि मिरवणुकीला परवानगी दिली जाणार नाही.

2. 31 जानेवारी 2022 पर्यंत राजकीय उमेदवार (संभाव्यांसह) किंवा निवडणुकीशी संबंधित इतर कोणत्याही गटाच्या प्रत्यक्ष रॅलींना परवानगी दिली जाणार नाही.

3. इनडोअर हॉल/ऑडिटोरियम/कम्युनिटी हॉल/इत्यादीं ठिकाणी सार्वजनिक मेळावे घेताना आसन क्षमतेच्या 50% किंवा 300, यापैकी जे कमी असेल ती आसन क्षमता ग्राह्य धरली जाईल.

4. राजकीय पक्षांना, उमेदवारांना, त्यांच्या पक्षाच्या कार्यकर्त्यांना, निवडणुकीशी संबंधित प्रचात करताना कोविडचे नियम पाळणे बंधनकारक आहे.

5. रात्री 8 ते सकाळी 8 या वेळेत प्रचाराला परवानगी नाही.

6. उमेदवारांसह (सुरक्षा कर्मचारी वगळून) जास्तीत जास्त 10 व्यक्तींना घरोघरी प्रचार करण्याची परवानगी असेल.

या नियमांचे उल्लंघन करण्याऱ्या व्यक्तींवर कायदेशीर कारवाई करण्यात येईल, असे देखील आदेशात लिहिले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com