Goa Elections: यावर्षी देशात एकूण 5 राज्यांच्या विधानसभा निवडणुकांचे बिगूल वाजले आहे. गोव्यात होणाऱ्या विधानसभा निडावणुकीसाठी गोव्यातील स्थानिक तसेच राजकीय पक्षांनी देखील जोरदार तयारीला सुरुवात केली आहे. विधानसभा निवडणूक (Goa Assembly Election 2022) असल्यामुळे सरकार निवडणुकीच्या कयामत व्यस्त आहे पण कोरोनाचा फैलाव मात्र दिवसेंदिवस वाढतच आहे. यामुळे राज्यात निर्बंधांमध्ये वाढ झाली आहे.
दुसरीकडे राजकीय पक्षांमध्ये अती-तटीचा सामना रंगत आहे. निवडणूक अगदी काही दिवसांवर असल्यामुळे राजकीय पक्ष स्वत:च्या पक्षाची ताकद वाढवण्यावर आणि समोरच्या पक्षाची ताकद कमी करण्यावर भर देत आहेत. यादरम्यान आपल्याला परस्पर विरोधी पक्षांमधील आरोप-प्रत्यारोप पाहायला मिळतात तर कधी ट्वीटर युद्ध पाहायला मिळत आहे. समोरच्या पक्षातील त्रुटी काढण्यातही राजकारणी चांगलेच व्यस्त आहेत. परंतु निवडणूक आयोगाने (Election Commission) राजकीय पक्षांच्या प्रचाराला आणि रॅलीवर बंदी घातली आहे. असे असतानादेखील पक्षांतर्फे निवडणूक प्रचारालादेखील झाली आहे. यातच आज गोव्यातील सत्ताधारी पक्ष भाजपने (BJP) केलेल्या प्रचारावर तृणमूल कॉंग्रेसने (TMC) आक्षेप घेतला आहे. त्यांनी त्यांच्या ट्विटर अकाऊंटवरून भाजपवर कारवाई करण्याची मागणी केली आहे.
भाजप पक्षातर्फे कोरगाव आणि पेडणे येथे भाजपचे प्रदेशाध्यक्ष सदानंद शेठ तानावडे (Sadanand Sheth Tanawade) यांच्या मार्गदर्शनाखाली कोपरा बैठका आयोजित करण्यात आलेल्या होत्या. निवडणूक आयोगाने निर्बंध लावून सुद्धा भाजपने बैठक घेऊन आचारसंहितेचा भंग केला असल्याचा आरोप टीएमसीने केला आहे. आणि यामुळे त्यांनी भाजप पक्षावर कारवाई करण्याची मागणीदेखील निवडणूक आयोगाकडे केली आहे. आता निवडणूक आयोगाची प्रतिक्रिया नेमकी काय असणार, हे पाहणे महत्वाचे ठरणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
