गेल्या तीन वर्षात हवामाबदलामूळे सुपारी पिकाला चांगलाच तडाखा बसला आहे. 2019 पासून सुपारी पिकाला बसणारा वातावरणाचा फटका कमी होण्याऐवजी तो वाढतच आहे. यामूळे गोव्यातील शेतकरी वर्ग आता हवालदिल झाला आहे. असे नुकसान टाळण्यासाठी राज्य सरकारने शेतकरी वर्गाचा विचार करावा आणि त्यांच्यासाठी एखादी योजना आखावी अशी मागणी शेतकरी वर्गातून होत आहे.
(Goa Farmers are demanding state government should provide financial assistance to betel nut crop)
सुपारी पिक नुकसानीबाबत बोलताना शेतकरी वरद सामंत म्हणाले की, पावसाळी हंगामातील वातावरणामूळे सांगे, धारबांदोडा तालुक्यातील शेतकऱ्यांच्या सुपारी गळुन पडत आहेत. त्यामुळे मोठ्या प्रमाणात शेतकऱ्यांचे नुकसान होत आहे. सरकारने याची दखल घ्यावी व सर्वसामान्य शेतकऱ्यांना आर्थिकरुपी दिलासा द्यावा जेणेकरुन शेतकरी निराश न होता त्यांना शेती लागवडसाठी प्रोत्साहन मिळेल.
गेल्या दोन ते तीन वर्षांपासून पावसानेही बळीराजाला तडाका दिला आहे. पिकांवर अनेक औषधे फवारण्याकरुन ही सुपारी नफ्याऐवजी यातील नुकसान वाढतंच आहे. औषध फवारणी खर्च आणि वर्षातून एकदा मिळणाऱ्या पिकाचा नफा यांच्यातील ताळमेळ बसत नसल्याने तोट्याचे प्रमाण वाढते आहे. त्यामूळे शेतकऱ्यांना या संकटातून बाहेर काढण्यासाठी राज्यशासनाने एखादी योजना सुरु करत त्याद्वारे शेतकऱ्यांना अर्थिक मदत करावी असे आवाहन सावंत यांनी सर्व शेतकऱ्यांच्यावतीने राज्यशासनाला केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
