Goa News: मडगावसह फातोर्ड्यातील करबुडवे दुकानदार रडारवर; दुकानादारांना नोटिस

Goa News: शहरातील करबुडव्या दुकानादारांना नोटिस पाठविली आहे.
Margao Municipal Council | Goa News
Margao Municipal Council | Goa News Dainik Gomantak

Goa News: मडगाव,फातोर्डा परिसरातील 30 टक्क्यांपेक्षा अधिक दुकाने विक्री परवाना नसतानाच चालू असून त्यामुळे मडगाव पालिकेला कोट्यवधी रुपयांच्या महसूलावर पाणी सोडावे लागले, परंतु आत्ता सोमवारपासून कर वसुलीची मोहीम राबविण्यात येणार आहे, अशी माहिती मडगावचे नगराध्यक्ष दामोदर शिरोडकर यांनी दिली.

शहरातील करबुडव्या दुकानादारांना नोटिस पाठविली आहे, त्यामुळे कर वसुली ही केली जाणार आहे. यापुढे बेकायदा दुकाने चालणार नाही, त्यांच्यावर कारवाई केली जाईल. कर चुकविणाऱ्यांची गय केली जाणार नाही, असे शिरोडकर म्हणाले.

Margao Municipal Council | Goa News
Goa Crime News: गोव्यात ड्रग्सचा प्रश्‍न पुन्हा ऐरणीवर; ओव्हरडोसमुळे महिलेची प्रकृती बिघडली

12 ऑक्टोबर रोजी शिरोडकर यांनी नगराध्यक्ष पदाचा ताबा घेतला होता. आपण पदाचा ताबा घेतल्यास दीड महीना पूर्ण झाला. या कालावधीत आपण नगरपालिका प्रशासनाला सुरळीत करण्याचा प्रयत्न केला. 20 दिवसापूर्वी करांची थकबाकी वसूल करण्याची मोहीम आपण हातात घेतली होती. आतापर्यंत 45 लाख रुपयांची थकबाकी वसूल केली असल्याची माहिती त्यांनी दिली.

मडगाव पालिकेकडे मोठ्या प्रमाणावर कर्मचारी असून महिन्याकाठी पालिकेला पगारावर अडीच कोटी रुपये खर्च करावे लागतात. त्यातील 38 लाख रुपये रोजंदारीवर काम करणाऱ्या कामगारांचा पगार आहे. त्यामुळे पालिकेला आपल्या उत्पन्नात भर घालावी लागेल, असे सांगून ज्या व्यापाऱ्यांनी अजून आपला कर भरलेला नाही, त्यांनी तो भरावा, असे ते म्हणाले.

कर न भरल्यास कारवाई होणार

ज्यांच्याकडे विक्री परवाने नाहीत, त्यांना या आधीच पालिकेने नोटीस बजावली आहे. त्यांनी कर भरला नाही, तर त्यांच्यावर कारवाई होईल. काही दुकानदारांना विक्री परवाने घेण्यास कायदेशीर अडचणी येत आहेत, अशा दुकानदारांना हे परवाने कसे देता येईल, यासाठी आपण कायदेशीर सल्ला घेणार, असे शिरोडकर यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com