Goa News: कर थकबाकी हप्त्यांनी भरू द्या!

Goa News: 20 कोटी थकित : मडगावातील व्यापाऱ्यांची मागणी
Margao Municipal Council
Margao Municipal CouncilDainik Gomantak

Goa News: मडगाव पालिकेची कर थकबाकी हप्त्यांनी भरण्याची सोय करावी, अशी मागणी शहरातील व्यापाऱ्यांनी केली आहे. तशी योजना पालिकेने कार्यान्वित केल्यास कर भरणे सोयीचे होणार असल्याचे त्यांनी सांगितले.

याविषयी मडगाव न्यू मार्केट व्यापारी संघटनेचे अध्यक्ष विनोद शिरोडकर म्हणाले की, हफ्त्यांमध्ये थकबाकी भरण्याची संधी दिल्यास व्यापाऱ्यांनाही ते सोपे होणार आहे आणि पालिकेलाही जलद गतीने महसूल मिळेल.

कर थकबाकी असलेल्या एका व्यापाऱ्याने सांगितले की, कोविड महामारीच्या काळात आम्हाला बरेच नुकसान सोसावे लागले. त्यातच ग्राहक कमी होते.

कोविड महामारीचा फटका

मडगाव पालिकेची कर थकबाकी 20 कोटींच्या आसपास असून यात घरपट्टी आणि व्यावसायिक कराचा समावेश आहे. यात व्यावसायिक कर भरणा मोठ्या प्रमाणात पालिकेला येणे बाकी आहे. मागील दोन वर्षांच्या काळात कोविड महामारीमुळे अनेकांना नुकसान सोसावे लागले.

त्यामुळे कर थकबाकीची सर्व रक्कम एकाचवेळी भरणे शक्य नसल्याचे काही व्यावसायिकांनी सांगितले. ही रक्कम हप्त्याने भरण्याची सोय पालिकेने करावी. त्यामुळे आम्हालाही कर भरणे सोपे होईल, असे व्यापाऱ्यांचे म्हणणे आहे.

Margao Municipal Council
Goa News: आणखी 4 खनिज ब्लॉक्सची ई-लिलावासाठी तयारी सुरू

नगराध्यक्षांकडून हिरवा कंदील

याविषयी नगराध्यक्ष दामोदर शिरोडकर म्हणाले की, थकबाकी गोळा करणाऱ्या पालिकेच्या अधिकाऱ्यांना सूचित केले आहे की, संपूर्ण थकबाकीपैकी अर्धी रक्कम कोणी भरत असल्यास ती जमा करून घ्यावी.

तसेच पालिकेतही थकबाकीतील काही रक्कम हप्त्यांनी भरण्याची सोय केली आहे. गेल्या दहा दिवसांत सुमारे 23 लाख रुपये थकबाकी गोळा करण्यात आली आहे. यापुढेही थकबाकी वसुलीची मोहीम सुरूच राहाणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com