विधानसभेत विरोधकांची भूमिका संशयास्पद!

गोवा फॉरवर्डचा एकहाती लढा सुरु असल्याची मोहनदास लोलयेकर यांची प्रतिक्रिया
Goa Forward Press Conference
Goa Forward Press Conference Dainik Gomantak

पणजी : विधानसभा अधिवेशनात गोवा फॉरवर्डचा एकमेव आमदार असूनही सामान्य जनतेच्या समस्या मांडून एकहाती लढत आमदार विजय सरदेसाई यांनी दिली आहे. मात्र, इतर विरोधकांची भूमिका संशयास्पद होती ती गोमंतकीयांनी शोधून काढण्याची गरज आहे, अशी टीका पक्षाचे सरचिटणीस मोहनदास लोलयेकर यांनी केली.

पणजीतील गोवा फॉरवर्ड कार्यालयात घेतलेल्या पत्रकार परिषदेवेळी पक्षाचे नेते संतोष सावंत आणि दीपक कळंगुटकर उपस्थित होते. विरोधकांमध्येच फूट पडल्याने विधानसभेत आक्रमक भूमिका घेऊन विषय मांडण्यात त्यांचे आमदार कमी पडले. सरकारी तिजोरीत खडखडाट झाल्याने इलेक्ट्रिक वाहनांसाठीचे अनुदान बंद करण्याचा निर्णय सरकारने घेतला, असे मत लोलयेकर यांनी व्यक्त केले.

यावेळी दीपक कळंगुटकर म्हणाले, विरोधकाची भूमिका ठामपणे मांडण्यास राष्ट्रीय पक्ष नव्हे, तर प्रादेशिक पक्षही सक्षम आहेत हे गोवा फॉरवर्ड पक्षाच्या एकमेव आमदारांनी दाखवून दिले आहे. त्यामुळे या पक्षाचे बळ वाढवण्यासाठी युवकांनी पुढे यावे, असे आवाहन कळंगुटकर यांनी केले.

Goa Forward Press Conference
गोव्यात सरासरी प्रतिमाह 23 आत्महत्यांची नोंद

आकडेवारी फक्त कागदावरच

यावेळी लोलयेकर म्हणाले की, आमदार सरदेसाई यांनी अटल सेतू पुलावरील दिव्यांचे खांब, झुआरी जमीन रूपांतरण, आयडीसी जमीन हस्तांतरण असे अनेक घोटाळे चव्हाट्यावर आणले. तसेच अर्थसंकल्पही घोटाळेबाज असल्याचा पर्दाफाश केला. इलेक्ट्रिक वाहनांसाठी अनुदान ठेवूनही ही योजना बंद केली, त्यावरून अर्थसंकल्पातील आकडेवारी फक्त कागदावरच आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com