Goa: सांत आंद्रेत मूलभूत सुविधांचा अभाव

सरदेसाई : गोवा फॉरवर्डच्या दौऱ्यास प्रारंभ : स्थानिक आमदारांचा स्वार्थासाठी भाजप प्रवेश
Goa Forward Party Election
Goa Forward Party Election Dainik Gomantak

पणजी : राजकीय पक्षांनी निवडणूकपूर्व मतदारसंघ दौरे सुरू केले आहेत. (Goa Forward) गोवा फॉरवर्ड पक्षाने आज सांत आंद्रे (Sant Andre) मतदारसंघातून दौरा सुरू केला. त्यामुळे सहा महिने आधीच निवडणूक प्रचाराला सुरुवात झाली आहे. सरकारने गोवा हे हागणदारीमुक्त राज्य घोषित केले असले तरी अजूनही सांत आंद्रे मतदारसंघात लोकांना उघड्यावर शौचास जावे लागते. विकासासाठी भाजपमध्ये प्रवेश केलेले स्थानिक आमदार लोकांना मूलभूत सुविधा उपलब्ध करून देण्यात अपयशी ठरले. हा मतदारसंघ विकासात मागे राहिल्याची टीका गोवा फॉरवर्डचे अध्यक्ष तथा आमदार विजय सरदेसाई (Vijay Sardesai) यांनी केली. आगशी येथील श्री चामुंडेश्‍वरी मंदिरात पक्षाच्या पदाधिकाऱ्यांनी देवीचे दर्शन घेऊन दौऱ्यास प्रारंभ केला. यावेळी सरदेसाई यांनी लोकांचे म्हणणे ऐकले. त्यांच्यासोबत जगदीश भोबे, कार्याध्यक्ष किरण कांदोळकर, सरचिटणीस (संघटना) दुर्गादास कामत, (Durgadas Kamat) सहसचिव जॉन नाझारेथ आणि इतर नेते उपस्थित होते.

Goa Forward Party Election
Goa: नवेवाडे सुन्नी युथ संघटनेतर्फे शववाहिकेचे लोकार्पण

सांत आंद्रे (Sant Andre) हे गोव्याचे वारसा स्थळ असूनही येथे मूलभूत सुविधा नाहीत. तरुणांना रोजगार उपलब्ध करून देण्यात सरकार अपयशी ठरले आहे. त्यामुळे ते नोकरीच्या शोधात स्थलांतर करत आहेत. हा मतदारसंघ, जो फुटबॉलसाठी ओळखला जातो, तिथे चांगली मैदानेही नाहीत. ज्येष्ठ लोकांनाही सुविधा देण्यात आमदार अपयशी ठरले आहेत, अशी टीका सरदेसाई यांनी केली. (Vijay Sardesai) मतदारसंघांचा दौरा करणाऱ्या भाजप नेत्यांचा सत्कार केला जात आहे, यावरून असे दिसते की गोव्याचे मतदार त्यांना निरोप देत आहेत, असा टोलाही सरदेसाई यांनी हाणला. भाजप पुढील निवडणुकीत एक अंकी संख्येवर येईल. संघटित नसलेले विरोधक व काही व्यक्तींमुळे ते जेमतेम दहापर्यंत पोहचू शकतात. येत्या गणेश चतुर्थीपर्यंत समविचारी राजकीय पक्षांनी युतीबाबत निर्णय घेणे शहाणपण आहे. जर तसे झाले नाही तर त्यांच्या डोक्यात कोणते विचार आहेत हे आम्हालाही कळेल. आम्ही २०२२ ची विधानसभा निवडणूक लढविण्यास तयारी करतो आहोत, असे सरदेसाई (Vijay Sardesai)म्हणाले.

Goa Forward Party Election
Goa: फातर्पा ग्रामसभा स्मशानभूमी प्रकरणी चांगलीच गाजली; पंचायत मंडळाला धरले धारेवर

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com