तृणमूल म्हणजे काँग्रेसने विकत बोलाविलेले श्राद्ध

काँग्रेसमुळे ‘टीम गोवा’ संकल्पनेला खीळ
तृणमूल म्हणजे काँग्रेसने विकत बोलाविलेले श्राद्ध
Goa Forward president Vijai Sardesai criticized CongressDainik Gomantak

मडगाव: भाजपच्या (BJP) विरोधात सर्व समविचारी पक्ष एकत्र येऊन ‘टीम गोवा’ (Team Goa) ही संकल्पना साकार करूया, अशी सूचना मी करत होतो. पण मुख्य विरोधी पक्ष असलेल्या काँग्रेसने (Congress) ते काही मनावर घेतले नाही. आज जर गोव्यात तृणमूल काँग्रेस (Trinamool Congress) आली असेल तर त्यामागे हेच कारण आहे. तृणमूल हे गोव्यातील काँग्रेसने बोलावून घेतलेले विकतचे श्राद्ध आहे, अशी बोचरी टीका गोवा फॉरवर्डचे अध्यक्ष विजय सरदेसाई (Vijai Sardesai) यांनी व्यक्त केली.

Goa Forward president Vijai Sardesai criticized  Congress
Goa Election: काँग्रेसने केली 38 मतदारसंघांमध्ये गट अध्यक्षांची निवड

फ्रान्सिस लुईस गोम्स यांच्या 152 व्या पुण्यतिथीनिमित्त आज सरदेसाई यांनी त्यांच्या पुतळ्याला पुष्पहार अर्पण करून आदरांजली वाहिली. त्यावेळी प्रसारमाध्यमांशी बोलताना त्यांनी ही टीका केली. ‘टीम गोवा’ ही बलाढ्य शक्ती झाली असती आणि तिला रोखणे कुणालाही शक्य झाले नसते. त्यामुळे गोव्यात कुणी आलेच नसते.

गोव्यात आता नव्याने राजकारणात उतरलेल्या तृणमूल पक्षात चांगले नेते आहेत. त्यांच्याकडे प्रशांत किशोर यांच्यासारखा निष्णात संयोजक आहे. त्यामुळे त्यांना कमी लेखून चालणार नाही, असे त्यांनी सांगितले.

Goa Forward president Vijai Sardesai criticized  Congress
Goa: सावर्डे दुपदरी रेल्वे मार्गास सुरक्षा मंडळाकडून हिरवा कंदील

फ्रान्सिस लुईस गोम्स यांच्याबद्दल बोलताना सरदेसाई म्हणाले, ते महान गोमंतकीय असून, त्यांचा उचित सन्मान करणे अजूनही या सरकारला शक्य झालेले नाही. त्यांच्या घराचे संवर्धन करून ते स्मारक बनविण्याची गरज सरदेसाई यांनी व्यक्त केली. या घराचे संवर्धन करण्यासाठी मडगाव पालिका प्रयत्न करेल, असे नगराध्यक्ष लिंडन परेरा यांनी सांगितले. यावेळी स्वातंत्र्य सैनिक वामन प्रभुगावकर, मडगावचे नगरसेवक, 18 जून समितीचे अध्यक्ष अविनाश शिरोडकर हे उपस्थित होते.

Related Stories

No stories found.