Goa News: केंद्र सरकारच्या बंदर जहाज आणि जलवाहतूक मंत्रालयाचा महत्वाकांक्षी प्रकल्प असलेल्‍या ‘नद्यांमधील जलमार्गाचा विकास’ याअंतर्गत पणजीत उभारलेल्या तरंगती (फ्लोटिंग) जेटी आणि हायब्रीड फेरीबोटीचे अनावरण आज होणार आहे.
केंद्रीय बंदर, जहाजबांधणी आणि जलमार्गमंत्री सर्वानंद सोनोवाल यांच्या उपस्थितीत होणाऱ्या या कार्यक्रमाला मुख्यमंत्री डॉ. प्रमोद सावंत (Pramod Sawant) आणि अन्‍य मंत्र्यांची उपस्थिती असेल. देशात जलमार्गांचा विकास करण्यासाठी स्थापन करण्यात आलेल्या भारतीय जलमार्ग प्राधिकरणाच्या वतीने देशभरातील नद्यांमधील जलमार्गांचा विकास करण्यात येतोय.
याअंतर्गत गोव्यात 14 फ्लोटिंग जेटी उभारण्यात येणार आहेत. यापैकी पणजीतील जेटीचा शुभारंभ उद्या होत आहे. भारताकडे सुमारे 14 हजार 500 किलोमीटरचा जलवाहतूक मार्ग आहेत. मात्र त्‍याद्वारे होणारी वाहतूक अत्यंत कमी आहे. ती वाढावी आणि रस्त्यांवरील ताण कमी व्हावा यासाठी केंद्र सरकारचे प्रयत्न सुरू आहेत. त्‍याचाच एक भाग म्हणून जागोजागी कायमस्वरूपी किंवा तात्पुरत्या जेटी उभारण्यात येत आहेत.
अशी आहे तरंगती जेटी
पणजीत (Panjim) मांडवी नदीमध्ये फेरीबोट धक्क्‍याजवळ ही तरंगती (फ्लोटिंग) जेटी उभारण्यात आली असून त्‍यासाठी 3.9 लाख रुपये खर्च आला आहे. हा तरंगता प्लॅटफॉर्म असून येथे नद्यांमध्‍ये वापरण्यात येणाऱ्या छोट्या बोटी पार्क करता येऊ शकतील वा प्रवाशांची चढउतार करता येऊ शकेल. या जेटीची लांबी 36 मीटर तर रुंदी 6 मीटर एवढी आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
