Goa Government: गोव्यात अमली पदार्थांविरोधात मोहिमेवर केंद्रीय गृहमंत्री समाधानी

Goa Government: गोवा सरकारने राज्यातून अमली पदार्थांविरोधी जी पावले उचलली आहेत, त्याबद्दल शहा यांनी समाधान व्यक्त केलं आहे.
Goa Government | Pramod Sawant | Amit Shah
Goa Government | Pramod Sawant | Amit ShahDainik Gomantak

Goa Government: देशातील ड्रग्ससंदर्भातची समस्या व होणारी उलाढाल यावर नियंत्रण ठेवण्यासाठी तसेच त्याचा बिमोड करण्यासाठी देशभरातील राज्यांनी उचललेल्या पावलांची माहिती केंद्रीय गृहमंत्री अमित शहा यांनी व्हिडिओ कॉन्फरन्सिंगद्वारे काल राज्यांच्या गृहमंत्र्यांकडून घेतली.

दरम्यान, यावेळी त्यांनी ड्रग्स दलाल व विक्रेत्यांविरोधात कठोर पावले उचलण्याबरोबरच जनजागृतीचे आवाहन केले. गोवा सरकारने राज्यातून ड्रग्‍सचा नायनाट करण्यासाठी जी पावले उचलली आहेत, त्याबद्दल शहा यांनी समाधान व्यक्त केल्याची माहिती मुख्यमंत्री डॉ. प्रमोद सावंत यांनी दिली.

Goa Government | Pramod Sawant | Amit Shah
Goa Court: पर्यटक लूट प्रकरणातील शिल्पाला जामीन नामंजूर!

तसेच, या बैठकीनंतर मुख्यमंत्री म्हणाले की, गेल्या वर्षी ड्रग्‍सची 161 प्रकरणे नोंद झाली व सुमारे 4.5 कोटींचा अंमलीपदार्थ जप्त कऱण्यात आला. गेल्या तीन वर्षांत बेकायदा वास्तव्यप्रकरणी 129 विदेशी नागरिकांना ताब्यात घेऊन त्यांची पाठवणी करण्यात आली आहे.

गोव्यात नोकरीच्या निमित्ताने रेल्वे व बसने येणारे मजूर तसेच आंतरराष्ट्रीय पर्यटकही ड्रग्‍स गोव्यात घेऊन येतात. राज्याला ड्रग्‍सपुरवठा करणारे पर्यटक नको आहेत. या कृत्‍यांत गुंतलेल्यांची गय केली जाणार नाही, असा इशारा मुख्‍यमंत्र्यांनी दिला.

'त्‍या' रेस्‍टॉरंट्‌सविरोधात कडक कारवाई करणार

रात्रीच्या संगीत रजनी पार्ट्यांमध्ये ड्रग्‍सची विक्री होत असल्याचे सापडल्यास त्‍या रेस्टॉरंटविरोधात ठोस कारवाई केली जाईल. बेकायदेशीर वास्तव्य करून असलेल्या विदेशींसाठी बंदिस्त केंद्र तसेच भारतातून पाठवणी करण्याची प्रक्रिया, तसेच पीट एनडीपीएस कायद्याखाली हल्लीच पोलिसांनी ड्रग्‍समध्ये यापूर्वी गुंतलेल्या तिघांना अटक केली असल्याची माहिती बैठकीत गोवा सरकारतर्फे देण्यात आली. त्याची दखल शहा यांनी घेतल्याचे मुख्‍यमंत्री सावंत म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com