Goa Government: वर्षाच्या सुरुवातीलाच गोवेकरांना वीज दरवाढीचा शॉक

वीज खात्याने दरवाढीची शिफारस केली असून, त्यात घरगुती वीज ग्राहकांसाठी प्रति किलोवॅट 15 ते 60 पैसे, तर उच्च दाबाच्या घरगुती विजेवर प्रति किलोवॅट 70 पैसे वाढ सुचविली आहे.
Goa Government |Electricity Price
Goa Government |Electricity Price Dainik Gomantak

Goa Government: वीज खात्याने आपल्या महसुलातील तूट भरून काढण्यासाठी वर्षाच्या सुरुवातीलाच ग्राहकांच्या खांद्यावर दरवाढीचा बोजा टाकण्याची तयारी सुरू केली आहे.

खात्याने दरवाढीची शिफारस केली असून, त्यात घरगुती वीज ग्राहकांसाठी प्रति किलोवॅट 15 ते 60 पैसे, तर उच्च दाबाच्या घरगुती विजेवर प्रति किलोवॅट 70 पैसे वाढ सुचविली आहे. शिवाय हॉटेल व्यवसायासाठी 35 पैसे प्रति किलोवॅट वीज दरवाढ सुचविली आहे.

वीज खात्याने सरकारला महसूल अहवाल सादर केला आहे. त्या अहवालात ही प्रस्तावित दरवाढ सुचविली आहे. 2022-23 मध्ये महसुलात 298.33 कोटींची तफावत आहे. 2023-24 मध्ये ही तफावत 483.65 कोटींवर जाण्याची शक्यता आहे.

Goa Government |Electricity Price
Mahadayi Water Dispute: आंदोलकांचा ठाम निर्धार ! 16 रोजी विर्डी मैदानावर सभा होणार

त्यामुळे 2023-24 च्या प्रस्तावित टेरिफ वाढीतून वीज खात्याला 134.96 कोटींचा अतिरिक्त महसूल प्राप्त होईल. शिवाय 348.98 कोटींची प्रस्तावित तफावत राज्य सरकारच्या अर्थसंकल्पीय आधाराद्वारे जुळवून घेतली जाईल. यातून महसुली तफावत शुन्यावर आणण्यात येईल, असे खात्याच्या अहवालात स्पष्ट केले आहे.

Goa Government |Electricity Price
Panaji-Reis Magos RopeWay: पणजी ते रेईस मागूश किल्ला रोप वे प्रकल्पाच्या एनजीपीडीए प्रस्तावाला खंडपीठाची परवानगी

प्रतिवर्षी तफावत भरून काढण्यासाठी राज्य सरकार अर्थसंकल्पाद्वारे खात्याला मदत करते. ही मदत दीर्घकालीन नसल्याने या दरवाढीतून अंशतः तफावत कमी करण्याचा खात्याचा प्रयत्न आहे. मात्र, ग्राहकांना दरवाढीचा मोठा फटका बसू नये, यासाठी अल्पशी दरवाढ सुचविली आहे. त्यातूनच निश्‍चित शुल्क 22 रुपये प्रतिकिलोवॅट प्रतिमहा वाढविण्याचा प्रस्ताव आहे.

हरकती 24 तारखेपर्यंत पाठवा!

या प्रस्तावित वीज दरवाढीच्या शिफारशीवर लोकांकडून हरकती, सूचना आणि मते मागविली आहेत. ती वीज खात्याचे सचिव, अथवा मुख्य वीज अभियंता, मुख्य कार्यालय, तिसरा मजला, विद्युत भवन, पणजी या पत्त्यावर अथवा cee-elec-goa@nic,in या संकेतस्थळावर 24 जानेवारीपर्यंत पाठवावीत, असे मुख्य विद्युत अभियंत्यांनी कळविले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com