Goa Government: वाळपईच्या सरकारी आरोग्य केंद्रासमोर गतिरोधक उभारण्याची मागणी!

प्रशासनाचे दुर्लक्ष : प्रशासनाकडून फलक आहे पण गतिरोधक नाही
Speed Breaker|Goa News
Speed Breaker|Goa NewsDainik Gomantak

Goa Government: वाळपई शहरात दिवसेंदिवस वाहनांची संख्या वाढत आहे. त्यामुळे बेदरकार वाहनचालकांना आवर घालणे कठीण होऊन बसले असून आवश्‍यक ठिकाणी गतिरोधकही उभारणे गरजेचे आहे.

पण वाळपई सरकारी आरोग्य केंद्रासमोर गतिरोधक उभारावा, असे ठरवून तसा फलकही प्रशासनाकडून लावण्यात आला. मात्र, प्रत्यक्षात गतिरोधक उभारलाच नाही. त्यामुळे फलक आहे, गतिरोधक नाही, अशी स्थिती झाली आहे.

गतिरोधक नसल्याने वाहनचालक भरधाव वेगाने वाहने हाकतात. प्रसंगी अपघातही घडतात. वाळपई येथील सोमनाथ काळे यांच्या वाहनाला काही दिवसांपूर्वी भरधाव वाहनाने धडक दिली होती. त्यावेळी रहिवाशांकडून गतिरोधकाची मागणी उचलून धरली होती. आरोग्य केंद्रासमोर गतिरोधक नसल्याने तेथे येणाऱ्या रुग्णांना आणि रुग्णांच्या नातेवाईकांनाही त्रास सोसावा लागतो.

वाळपई सरकारी आरोग्य केंद्रासमोर गतिरोधक उभारणीची मागणी गेल्या कित्येक वर्षांपासून केली जात आहे. दीड महिन्यापूर्वी सार्वजनिक बांधकाम खात्याच्या रस्ता विभागाने या ठिकाणी पाहणी केली होती.

त्यानंतर इस्पितळातील काही अधिकाऱ्यांना येथे बोलावून कुठे गतिरोधक उभारावा, याची सविस्तर माहिती घेऊन पाठपुरावाही करण्यात आला होता. लवकरच गतिरोधक घालावा, असे निर्देश प्रशासनाने दिले होते.

त्यानंतर काही दिवसांनी रस्त्यावर ठिकठिकाणी गतिरोधकासंबंधी फलकही लावण्यात आले. मात्र, कित्येक दिवस उलटले तरी अजून संबंधित खात्याने त्या ठिकाणी गतिरोधक उभारलाच नाही. त्यामुळे येथून येणाऱ्या जाणाऱ्या प्रवाशांना फलक आहे व गतिरोधक नाही याचे आश्‍चर्य वाटत आहे.

Speed Breaker|Goa News
Goa Latest News: म्हापसा कोर्ट जंक्शन परिसरात ‘फुटपाथ’

वाहनांचा अंदाज न आल्याने अपघात !

वाळपई इस्पितळ हे मुख्य इस्पितळ असल्याने अहोरात्र शेकडो रूग्ण तपासणीसाठी ये-जा करत असतात. या रस्त्यावर बसच्या प्रतीक्षेसाठी नागरिक रस्त्यालगत उभे राहतात. त्यामुळे भरधाव येणाऱ्या वाहनांचा अंदाज येत आहे.

आतापर्यंत या ठिकाणी अनेक छोटे-मोठे अपघात घडलेले आहेत. पंधरा दिवसांपूर्वी याच ठिकाणी एका चार चाकी वाहनाने पार्क करून ठेवलेल्या वाहनाला जोरदार धडक दिली होती. त्यात मोटरसायकल पायलट जबर जखमी झाला होता. एवढे होऊनही येथे गतिरोधक उभारले जात नाहीत, त्यामुळे नागिरकांतून संताप व्यक्त होत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com