Governor Pillai सार्वजनिक जीवनात वावरणारी व्यक्ती ही जनसेवक असते. सर्व कामांच्या मुळाशी जनकल्याण हे ध्येय असले पाहिजे. त्यामुळे अशा कामांची दखल घेत ‘डी लीट’सारखी पदवी मिळाली याचा निश्चितपणे आनंद आहे.
त्यातून आणखीन काम करण्यासाठी ऊर्जा मिळाली, अशी प्रतिक्रिया राज्यपाल पी. एस. श्रीधरन पिल्लई यांनी भुवनेश्वर येथून ‘गोमन्तक’शी बोलताना दिली.
आज त्यांना माजी राष्ट्रपती रामनाथ कोविंद यांच्या हस्ते भुवनेश्वर येथील एएसबीएम विद्यापीठाची डी लीट ही पदवी दीक्षांत समारंभात प्रदान करण्यात आली.
राज्यपालांनी या प्रतिनिधीशी दूरध्वनीवर संवाद साधताना सांगितले, की साहित्याच्या क्षेत्रात मी गेली 60 वर्षे काम करत आहे. साहित्याचे सर्वप्रकार ज्यात कथा, कविता, वैचारिक लेखन यांचा समावेश आहे मी हाताळले आहेत.
या साऱ्याची दखल घेत भुवनेश्वरच्या विद्यापीठाने डी लीट पदवी देण्याचा प्रस्ताव दिला होता. सरकारचे हे विद्यापीठ असल्याने आणि माजी राष्ट्रपतींच्या हस्ते तो प्रदान करण्यात येणार असल्याने मी तो स्वीकारण्याचा निर्णय घेतला.
'तर देश जगाचे नेतृत्व करेल’
माजी राष्ट्रपती रामनाथ कोविंद म्हणाले, प्रत्येकाचे देश घडविण्यातील योगदान महत्त्वाचे असते. विद्यापीठांच्या आपल्या पातळीवर करत असलेल्या कामांचाही यात समावेश होतो. कोणतेही काम श्रेष्ठ किंवा कनिष्ठ नसते. आपल्या जागी ते योग्यच असते. असे प्रत्येकाने देशाचा विचार करत काम केले तर देश जगाचे नेतृत्व करू शकेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.