Panaji-Reis Magos RopeWay: पणजी ते रेईस मागूश किल्ला रोप वे प्रकल्पाच्या एनजीपीडीए प्रस्तावाला खंडपीठाची परवानगी

गोवा बचाव अभियान तसेच गोवा फाऊंडेशनने दाखल केली होती जनहित याचिका
Goa | Ropeway
Goa | Ropeway Dainik Gomantak

Panaji-Reis Magos RopeWay: गोवा पर्यटन विकास महामंडळाच्या पणजी ते रेईश मागूस या मांडवी नदीवरील ‘रोप वे’ प्रकल्प प्रस्तावाला परवानगी देण्यासाठी उत्तर गोवा नियोजन व विकास प्राधिकरणाने (एनजीपीडीए) जनहित याचिकेत केलेल्या विनंतीला मुंबई उच्च न्यायालयाच्या गोवा खंडपीठाने तो कायद्यानुसार करण्यासाठी हिरवा कंदील दाखवला आहे. मात्र या बाह्यविकास आराखडा 2021 नुसार प्रकल्पांना मंजुरी देण्यात आल्यास ती याचिकेतील अंतिम निर्णयावर अवलंबून असेल असे खंडपीठाने दिलेल्या आदेशात एनजीपीडीएला स्पष्ट केले आहे.

Goa | Ropeway
Rohan Khaunte: मंत्र्यांचा कर्मचाऱ्यांना दणका; एकाचे निलंबन तर गैरहजर असणाऱ्या 7 जणांना कारणे दाखवा नोटिस

गोवा बचाव अभियान तसेच गोवा फाऊंडेशनने पणजी बाह्यविकास आराखडा (ओआडीपी) 2021 ला मुंबई उच्च न्यायालयाच्या गोवा खंडपीठात जनहित याचिकेद्वारे आव्हान दिले आहे. या आराखड्यात अनेक ठिकाणी शेतजमिनींचे बिगर शेती दाखवण्यात आले आहे. सीआरझेड क्षेत्रातही अनेक त्रुटी असल्याचे मुद्दे याचिकेत उपस्थित करण्यात आले आहेत.

खंडपीठाने या याचिकेत या आराखड्याला अंतरिम स्थगिती दिली आहे. या रोपे वे प्रकल्पाला काही पणजी नागरिकांनी विरोध केला होता. कायदेशीरपणे या प्रकल्पांना मंजुरी देण्यास मुभा ठेवली आहे. त्यामुळे ओडीपी 2021 खालील प्रकल्प एनजीपीडीए मंजूर करू शकणार आहे. ओडीपी 2021 नुसार एनजीपीडीने प्रकल्पांना मंजुरी दिल्यास त्याला नव्या याचिकेद्वारे आव्हान देण्यास खंडपीठाने याचिकादारांना मुभा ठेवली आहे.

Goa | Ropeway
Mahadayi Water Dispute: 'म्हादई'प्रश्नी अमित शाह यांनी गोव्याला दिलेले आश्वासन म्हणजे 'डबल गेम'

या प्रकल्पाना दिलेली परवानगी ही खंडपीठात प्रलंबित असलेल्या जनहित याचिकेतील निवाड्याला बंधनकारक असतील व प्रकल्पाचे काम थांबवावे लागेल. त्यावर करण्यात आलेला खर्चाच्या भरपाईसाठी दावा करता येणार नाही यासंदर्भात सरकार तसेच गोवा पर्यटन विकास महामंडळाने त्याला सहमती दिली आहे असे गोवा खंडपीठाने एनजीपीडीने या रोप वे प्रकल्पासाठीच्या परवानगीसाठी केलेल्या अर्जावरील आदेशात म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com