गोवा विमानतळावर लवकरच पार्किंगची सुविधा मिळणार

विमानतळ संचालक एस व्ही टी धनंजय राव यांची माहिती; प्रवाशांना फायदा होणार
गोवा विमानतळावर लवकरच पार्किंगची सुविधा मिळणार
Goa Airport Dainik Gomantak

पणजी : दाबोळीतील गोवा आंतरराष्ट्रीय विमानतळावर लवकरच पार्किंगची सुविधा वाहनचालकांना मिळणार आहे. विमानतळ संचालक एस व्ही टी धनंजय राव यांनी याबाबत माहिती दिली आहे. सध्या विमानतळावर पार्किंगची सुविधा नसल्याने वाहनचालकांना पर्यायी वाहनांचा वापर करावा लागतो. तसंच विमानतळाबाहेर दूर गाड्यांचं पार्किंग करावं लागतं. यामुळे प्रवाशांसह वाहनचालकांनाही नाहक मनस्ताप सहन करावा लागतो.

राव यांनी नुकताच गोवा आंतरराष्ट्रीय विमानतळाची सुत्रं हातात घेतली आहेत. राव यांच्या म्हणण्यानुसार या पार्किंग सुविधेसाठी आधी काही अभ्यास करावा लागणार आहे. यानंतरच पार्किंगच्या सुविधेचा निर्णय घेतला जाणार आहे. मात्र काहीही झालं तरी लवकरात लवकर पार्किंग सुविधा सर्वसामान्यांसाठी कार्यरत करण्याचे प्रयत्न असल्याचंही राव यांनी स्पष्ट केलं आहे.

Goa Airport
कुजिरा संकुलाकडे विद्यार्थ्यांसाठी स्वयंसेवक नेमणार

गोवा विमानतळाचे माजी संचालक गगन मलिक यांनी यासाठी लागणाऱ्या परवानग्या यापूर्वीच मिळाल्याचं स्पष्ट केलं आहे. तसंच ही पार्किंग सुविधा मे 2022 पर्यंत कार्यान्वित होणं अपेक्षित असल्याचंही सांगितलं होतं. मात्र मलिक यांची पदोन्नतीवर गोव्याबाहेर बदली झाल्याने हे काम रखडलं होतं. पार्किंगच्या इमारतीचं काम मागच्याच वर्षी पूर्ण झालं असून काही सुरक्षेच्या कारणांमुळे सुविधा सर्वसामान्यांपर्यंत पोहोचवण्याचं काम थांबलं होतं. यातच कोरोना लॉकडाऊनमुळेही कामावर परिणाम झाला होता. या पार्किंग सुविधेमुळे विमानतळावरील पार्किंग आणि ट्रॅफिकची समस्या कमी होण्यास मदत होणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com