Goa: गोवामुक्त होऊन 60 वर्षापेक्षाही जास्त वर्षांचा काळ लोटला, मात्र आजही पेडणे तालुक्यातील तेरेखोल गावाला महाराष्ट्रातून वीज, पाणीपुरवठा होतो. त्यांच्या सोयीसाठी सरकारने प्रयत्न केले पाहिजे. केरी-तेरेखोल फेरीधक्का आहे. त्या धक्यावर मोठ्या प्रमाणात रेती, वाळू साचून फेरीबोटीत वाहने घालताना अडचणी येतात.
शिवाय फेरीबोटही भरती-ओहाटीवर अवलंबून असते. सरकारने या नदीवर पूल बांधण्यासाठी कायदेशीर सर्व सोपस्कार न केल्याने अर्धवट स्थितीत हा पूल आहे, त्यावर खर्च केलेला वाया जात आहे.
केरी ग्रामपंचायत क्षेत्रातील तेरेखोल नदी पलीकडे केवळ ख्रिस्ती बांधवांची लोकवस्ती असलेला केरी गावाचा हा एक प्रभाग आहे. या प्रभागात 365 ग्रामस्थ राहतात. इतिहासाची साक्ष देणाऱ्या तेरेखोल गावात सावंत भोसले यांच्या काळातील तेरेखोल किल्ला आहे. शिवाय हिरवे गुरुजींचे स्मारक या ठिकाणी आहे. हा तेरेखोल-केरी गावाचा भाग केरी आणि तेरेखोल या दोन गावामधून तेरेखोल नदी वाहते. त्यामुळे केरी व तेरेखोल दोन्ही भाग वेगवेगळे झाले आहेत.
मार्चपर्यंत वीज मिळणार!
तेरेखोलला सध्या महाराष्ट्रातून वीजपुरवठा केला जातो. पण लवकरच गोव्यातून वीजपुरवठा होणार आहे. तत्कालीन आमदार दयानंद सोपटे यांच्या प्रयत्नातून वीज खात्याअंतर्गत वीज केबल घालून त्या ठिकाणी वीजपुरवठा करण्यासंदर्भात योजना आखली होती. त्यानुसार बरेच काम झाले आहे. याबाबत आमदार जित आरोलकर यांच्याकडे संपर्क साधला असता, ते म्हणाले, मार्चपर्यंत केबलचे काम पूर्ण होईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
