म्हापसा : बार्देश बाजार ग्राहक सहकारी सोसायटीतर्फे चांगल्या प्रतीचे कडधान्य व इतर वस्तू माफक दराने विकल्या जात असल्याने त्यांनी ग्राहकांचा विश्वास संपादन केला आहे. संचालकांचे एकमत आणि योगदानामुळेच या संस्थेने 32 वर्षांचा हा पल्ला गाठला. बार्देश बाजारच्या शाखा राज्यभरात व्हाव्यात, अशी सदिच्छा भाजप प्रदेशाध्यक्ष सदानंद शेट तानावडे यांनी व्यक्त केली.
बार्देश बाजारच्या 33 व्या वर्धापन दिनाचे औचित्य साधून यावर्षी भाजी व फळविक्री सुरू केली. त्या स्टॉलच्या उद्‌घाटनप्रसंगी ते बोलत होते. यावेळी व्यासपीठावर कर्नाटकातील सहकार क्षेत्रातील अग्रणी प्रदीपराव जाधव, माजी नगराध्यक्ष सुधीर कांदोळकर, संचालक एकनाथ नागवेकर, उपाध्यक्ष चंद्रकांत शेटगावकर उपस्थित होते.
यावेळी बार्देश बाजारच्या कर्मचाऱ्यांच्या मुलांना शिष्यवृत्तीची रक्कम पाहुण्यांच्या हस्ते देण्यात आली. तसेच वरिष्ठ व्यवस्थापक विनोद खलप हे सेवानिवृत्त झाल्याने त्यांचा सत्कार करण्यात आला. यावेळी प्रदीपराव जाधव, सुधीर कांदोळकर यांनीही मनोगत व्यक्त केले. सूत्रसंचालन संचालक एकनाथ नागवेकर यांनी, तर आभार उपाध्यक्षांनी मानले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
