Goa : पोलिसांकडून झालेल्या मारहाणीचा निषेध; वकिलांचं गुन्हा अन्वेषण शाखेसमोर धरणं आंदोलन

एका वकिलाला जबर मारहाण करून त्यांच्या विरोधात तक्रार करण्याचे काम त्या पोलिस कर्मचाऱ्यांनी केले आहे.
Lawyers Protest in Goa
Lawyers Protest in GoaDainik Gomantak

Goa Lawyers Protest : वकील गजानन सावंत यांना पर्वरी पोलिसांकडून झालेल्या मारहाण प्रकरणातील संशयित पोलिसांना अजूनही अटक करून निलंबित केले नाही. कारवाई करण्यासाठी वकील संघटनांकडून मदत देण्यात आली होती. रविवारी पंतप्रधान नरेंद्र मोदी यांची भेट असल्याने आणखी एक दिवस देण्यात आला होता. काल सोमवारी संध्याकाळी 6.30 वाजता ही मुदत संपल्यानंतर आज 13 डिसेंबर रोजी रायबंदर येथील गुन्हा अन्वेषण शाखेसमोर धरणे आंदोलन वकील संघटनांच्या प्रतिनिधींनी धरणे आंदोलन सुरु केलं आहे.

एका वकिलाला जबर मारहाण करून त्यांच्या विरोधात तक्रार करण्याचे काम त्या पोलिस कर्मचाऱ्यांनी केले आहे. प्रकरण संपवण्यासाठी हा सगळा खटाटोप केला होता, परंतु पोलिसांच्या विरोधात तक्रार करण्यात आणि आता चौकशी करण्यात पोलिस अकार्यक्षमपणा दाखवत आहे. वकिलांची ही गत असेल, तर सर्वसामान्यांचे काय होणार आहे हा लाख मौलाचा प्रश्‍न आहे, अशा शब्दात वकील संघटनेच्या प्रतिनिधींनी पोलिसांच्या कार्यशैलीवर निशाणा साधला होता.

Lawyers Protest in Goa
भाऊ, भाई आणि जॅक सिक्वेरा वादात 'मनोहर' नाव फायनल! तरीही पर्रीकरांचं नाव दिल्याने का होतोय वाद?

पोलिसांना अटक होईपर्यंत आंदोलन

जोपर्यंत त्या संशयित पोलिस कर्मचाऱ्‍यांचे निलंबन व अटक होत नाही, तोपर्यंत हे आंदोलन चालू राहणार असल्याचे म्हापसा अ‍ॅडव्होकेट फोरमने स्पष्ट केले. सोमवारी (ता. 12) सायंकाळी म्हापशात या फोरमची बैठक झाली. या बैठकीत हा ठराव घेण्यात आला. यावेळी म्हापसा अ‍ॅडव्होकेट फोरमचे अध्यक्ष अ‍ॅड. परेश राव म्हणाले, की, उत्तर ते दक्षिण गोव्यातील सर्व फोरमने या कथित मारहाण प्रकरणातील संशयितांना अटक आणि त्यांच्या निलंबनाची मागणी केली होती. त्यासाठी पोलिस यंत्रणेला पुरेसा वेळ दिला. मात्र, अद्याप कारवाई झालेली नाही. त्यानुसार मंगळवारी सकाळी 11 वाजल्यापासून क्राईम ब्रँचच्या कार्यालयासमोर आम्ही धरणे आंदोलन धरणार आहोत. संघटनेने आधीच जाहीर केल्याप्रमाणे आज मंगळवारी सकाळपासूनच वकिलांनी आंदोलन सुरु केलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com