Goa: मानवी तस्करीवर आळा घालण्यासाठी संघटित व्हा

गोव्यात मानवी तस्‍करीवर (Human Trafficking in Goa) आळा घालण्यासाठी संघटित होऊन काम करणे आवश्यक आहे.
Goa: मानवी तस्करीवर आळा घालण्यासाठी संघटित व्हा
Goa: Lorna Fernandes Talking in ProgramDainik Gomantak

सासष्टी : राज्यात (Goa) अलीकडे ऑनलाईनच्या माध्यमातून वेश्या व्यवसाय सुरू आहे. मानवी तस्करीस (Human trafficking) प्रोत्साहन देणारी ऑनलाईन वेबसाइट बंद पाडण्यासाठी पोलिस विभाग, पालिका, महाविद्यालयाकडून योग्य सहकार्य मिळाले नाही. त्‍यामुळे गोव्यात मानवी तस्‍करीवर (Human Trafficking In Goa) आळा घालण्यासाठी संघटित होऊन काम करणे आवश्यक आहे, असे उद्‍गार गोवा महिला फोरमच्या अध्यक्षा लॉर्ना फर्नांडिस यांनी काढले.

मडगाव येथील रवींद्र भवनमध्ये ‘जागतिक मानवी तस्करी विरोधी दिवसा’निमित्त रोटरी क्लब मडगाव यांनी आयोजित केलेल्या जागृती कार्यक्रमात त्‍या बोलत होत्‍या. यावेळी अर्ज संस्थेच्या अध्यक्ष ज्‍युलियाना लोहार, अॅड. अबोना वालादारीस व इतर उपस्थित होते.

Goa: Lorna Fernandes Talking in Program
गोव्यातील न्यायालये 2 ऑगस्टपासून सुरु होणार

पालकांनी मुलांना रात्रीच्या वेळी बाहेर जाऊ देणे योग्य नाही, हे खरे असले तरी राज्यात होणाऱ्या घृणास्पद गुन्ह्यांचे कारण शोधून काढणे आवश्यक आहे. गोवा सरकारने अशा गुन्ह्यांना प्रोत्साहन देणाऱ्या गोव्यातील सेक्स टुरिझमवर बंदी आणण्यासाठी प्रयत्न केला पाहिजे, असे लॉर्ना यांनी सांगितले.

गोव्यात आता रेड लाईट एरिया बंद झाले खरे, पण आता हाऊसिंग सोसायटींतून वेश्या व्यवसाय सुरू आहेत. किनारपट्टी भागात काही हॉटेल्स अशा प्रकारच्या गुन्ह्यांना पाठबळ देत असून, त्‍यावर कारवाई होणे आवश्यक आहे. तसेच हाऊसिंग सोसायटीमधील लोकांनी जागृत राहणे गरजेचे आहे, असे जुलियाना लोहार यांनी सांगितले.

Goa: Lorna Fernandes Talking in Program
Goa: वेश्‍‍याव्‍यवसायाची लिंक ग्रामीण गोव्यापर्यंत

Related Stories

No stories found.