Goa made Liquor Seized in Karnataka: बेळगाव अबकारी पथकाने मोठी कारवाई करत तब्बल 47 लाख रूपयांची गोवा बनावटीची दारू जप्त केली आहे. जाम्बोती- खानापूर मार्गावर मंगळवारी दुपारी अबकारी पथकाने छापा टाकत ही कारवाई केली.
धक्कादायक म्हणजे कर्नाटकमध्ये सध्या निवडणुकीचा प्रचार जोरदार सुरू आहे. त्याच पार्श्वभूमीवर मद्याची वाहतूक केली जात असल्याची माहिती समोर आली आहे.
मिळालेल्या माहितीनुसार, पोलिसांना गुजरात परवाना असलेला ट्रक गोवा बनावटी मद्याची वाहतूक करणार असणार असल्याची माहिती मिळाली. त्यानुसार बेळगाव अबकारी पथकाने खानापूर मार्गावर सापळा रचला. दुपारी दोनच्या सुमारास पथकाने संबधित ट्रकची तपासणी केली असता, त्यात 21,696 गोवा बनावटीचे मद्य असलेल्या बाटल्या सापडल्या.
या बाटल्यांमध्ये 3,905.28 लिटर मद्य असल्याचे पथकाने म्हटले आहे. दुसऱ्या ठिकाणी विक्रीच्या उद्देशाने मद्याची वाहतूक केली जात होती.
खानापूर पोलिस आणि बेळगाव पथकाने संयुक्तपणे ही कारवाई केली. पोलिसांनी नियोजित पद्धतीने सापळा रचून छापा यशस्वी केला.
कर्नाटकच्या विधानसभा निवडणुकीसाठी सध्या जोरदार प्रचार सुरू आहे. अशात निवडणूक अनेक अवैध प्रकार घडत असतात. असाच एक प्रयत्न मंगळवारी उधळून लावत, 47 लाख रूपयांची दारू जप्त केली. तसेच, वाहनाचा चालक याला अटक केली असून, पोलिसांनी वाहन देखील जप्त केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
