Anmod Check Post : दारु तस्करीसाठी लढवली शक्कल पण आली अंगलट, ट्रकच्या चेसीस मध्ये सापडला मद्यसाठा

अमनोड चेक पोस्टवर पोलिसांची कारवाई
Anmod Check Post
Anmod Check PostDainik Gomantak

Anmod Checkpost : गोवा राज्यातून अवैधरित्या परराज्यात दारु वाहतुकीवर बंदी आहे. परंतु बंदी असतानाही दारु वाहतूक होत असल्याची अनेक प्रकरणे समोर येत आहेत. दारु वाहतूक करताना आरोपींकडून वेगवेगळ्या पध्दतींचा वापर केला जातो. अशातच गोवा राज्यातून कर्नाटकात अवैधरित्या दारुसाठा घेऊन जाणाऱ्या एकाला पोलिसांनी ताब्यात घेतले आहे.

संशयिताकडून गोवा बनावटीची 1 लाख 8 हजार रुपये किमतींची 54 लिटर दारु जप्त करण्यात आली आहे.

Anmod Check Post
Goa Birth Rate Falling: चिंताजनक! गोव्यात जन्मदरांत होतेय घट; शहरांच्या तुलनेत ग्रामीण भागात चांगली स्थिती

याबाबत अधिक माहिती अशी की, गोवा येथून कर्नाटक राज्यात गोवा बनावटीच्या दारुची वाहतूक आयचर ट्र्क करत होता. यावेळी सोमवारी पहाटे ट्रक अनमोड चेक पोस्ट जवळ आला असता अबकारी विभागाच्या पोलिसांनी तपासणीसाठी थांबविले.

यावेळी ट्रकची तपासणी केली असता ट्रकच्या खालील बाजूस चेसी मध्ये कंपार्टमेंट करुन गोवा बनावटीची दारु लपविल्याचे आढळून आले. गोवा बनावटीची 1 लाख 8 हजार रुपये किमतींची 54 लिटर दारु पोलिसांनी जप्त करीत चालकावर गुन्हा दाखल करण्यात आला आहे.

एकूण 8 लाख 50 हजार रुपयांचा मुद्देमाल पोलिसांनी जप्त केला असून चालकाला अटक करण्यात आली आहे. पोलिस पुढील तपास करीत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com