Goa News: महाराष्ट्र आणि गोवा सरकारच्या माध्यमातून नाट्यक्षेत्राच्या उभारीसह कला व संस्कृतीच्या उत्कर्षासाठी नवीन उपक्रम सुरू करण्यात येतील, असे महाराष्ट्राचे सांस्कृतिक कार्यमंत्री सुधीर मुनगंटीवार यांनी जाहीर केले. फोंड्यातील राजीव गांधी कलामंदिरात काल एकोणसाठाव्या महाराष्ट्र राज्य नाट्य स्पर्धेतील विजेत्यांना पुरस्कार वितरण सोहळ्यावेळी ते बोलत होते.
व्यासपीठावर ज्येष्ठ कलाकार विजय गोखले, ‘महाराष्ट्र सांस्कृतिक विभागाचे संचालक बिभिषण चवरे व उपसचिव विलास थोरात आदी उपस्थित होते. मुनगंटीवार म्हणाले की, गोव्यात आल्यावर महाराष्ट्रातच असल्याचा आभास होतो. कारण येथील कला संस्कृतीशी महाराष्ट्राचे साम्य आहे. गोव्यातील गावागावात शेकडो नाट्यप्रयोग होतात.
येथील नाट्यकलाकार आणि कला रसिकांमुळे नाट्य कला बहरली. गोवा आणि महाराष्ट्राच्या माध्यमातून नाट्य संस्कृती अधिकाधिक फुलवण्यासाठी विविध उपक्रम आखण्यात येतील.’ यावेळी विविध नाट्य स्पर्धांतील पारितोषिकांचे वितरण करण्यात आले. स्वागत व प्रास्ताविक विलास थोरात यांनी केले. सूत्रसंचालन ओंकार कर्वे व पल्लवी वैद्य यांनी केले. यावेळी सांस्कृतिक कार्यक्रमांचेही सादरीकरण करण्यात आले.
महाराष्ट्र सरकार आयोजित नाट्य स्पर्धेत पणजीच्या रूद्रेश्वरतर्फे ‘पालशेतची विहीर'' या नाटकाला प्रथम पुरस्कार मिळाला होता. ज्या केंद्रात नाटक प्रथम येते, त्या केंद्रात बक्षीसवितरण सोहळा आयोजित करण्यात येतो, त्यामुळे हा मान पालशेतच्या विहिरीमुळे गोव्याला मिळाला, असे यावेळी सांगण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.